المشاركة الأصلية كتبت بواسطة ehabtele
تمام ياباشا
بس مقولتليش اسعار قطع الغيار والصيانة والحاجات دي والبنزين ايه نظامه
والريتمو قلبت علي انت شوية لقيت في ناس بتقول فيها عيوب وكده
وهل لو 128 84 86 تبقي احسن |
يا باشا كلهم زي اخوتهم (128 127
وعامة مافيش عربية تحت 80
مش متعدلة عشان تكون كويسة
يعني انت تجيب وحادة 80 يكون الشاسية والصاجة بحالتهم مش ملحمين ولا فيهم برومة
وبعديها الماكنة تكون كويسة
وكده كده انت هاتعدل يعني اسبراتير تغيره
كربراتير تغيره
بس تكون الماكينة بحالتها
يعني مش مشخلله
بس اهم حاجه لما تجيب عربية مستعملة وخصوصا لو قديمة شوية
ما ترميش فيها كل فلوسك عشان هاتصرف هاتصرف حتي لو العربية زي الفل
لازم يبقي معاك زيادة للطوارئ
لانك ماتضمنش
بلي عجل + بطارية + دنمو + سيور + زيوت + تيل + وكمان المارش ولا البوبينة ولا الابلاتين والكوندنسر + ولا البوجيهات.
يعني في حاجات صغيرة وسعرها مش غالي
بس بتعد لان الحاجات ديه بتبقي زي البطيخة وطبعا مشهاتفك حته حته تشيك عليها
فأنت دور علي اساسيات كويسة
ماتور عفشة صاج شاسية
وبعد كده تتظبط
انا بقولك كده عشان لو معاك 15 مثلا ماتحطهمش في عربية وتبقي عاوزها تمشي فترة كبيرة من غير مصاريف
يا تجيبها بكل اللي معاك وتصبر عليها
ويتجيبها اقل الفين وتخلي ايدك فيها من اول يوم