[المفكر]

المشاركة الأصلية كتبت بواسطة mr_astra ولا تزعل شيرى A11 or A15 عربيات زى الحديد واقدر احكم عليها كويس اوى لانها مع صديقى الصدوق وعملنا فيها شغل كتير وعارفلها شوية حاجات العربية دى كل عفشتها المانى يعنى تشيل وتحط اى حاجة للعفشة بتاعة جولف حتى قربة المياة بتاعة جولف وحاجات فى الحوض كتير شاسية جولف وعشان فيها حاجات كتير من الجولف ثباتها فوق الممتاز وفراملة تحفة والله الموتور بتاع عربية فورد وفية منة اوتوماتك صالون واسع جدا انما فى المقابل قطع غيارها انا شايفها غالية الطابلون شكلة حلو بس اماكن زراير الزجاج متخلف جدا العربية اللونج منها كبيرة اوى سعر العربية جميل لكن محققاش انتشار كويس اما الرينبو فكل معلوماتى عنها واخدها من استاذنا " كارز ادمير " واكيد انت عارف معلوماتة اد اية .... واتكلمت كتير جدا معاة فى العربية دى لانى كنت ناوى اشتريها من فترة وهو نصحنى برينبو الشماد وقال انها احسن موديل فيها اما التمبرا انا اساسا ما بحبهاش ....شكلها قديم اوى ولا بحب شكل الطابلون بتعها وموتورها قديم اوى وبحس ان البودى اكبر من قدرة الموتور لكن يمكن تكون كويسة

أنا فعلا فكرت فيها لأنها:
1- صالون واسع. 2- موتور فورد. 3- عفشة جولف. 4- بودي سيات توليدو.
بس كنت خايف من الكوكتيل الكتير ده. لكن العربية كل اللي ساقها قال كويسة ، طبعا الشكل مش حديث بس مقبول، والعربية بقالها في حدود 8 سنين يعني لسه بخيرها.
أما بالنسبة للرينبو فأنا عارفها كويس جدا لأني معايا رينو، وموتور عربيتي هوا هوا اللي في الرينبو، الصنايعي هيبقى هوا هوا ومحل قطع الغيار برضه هوا هوا، والعربية برضه واسعة وحمولة.
أما التمبرا فهيا ميزتها اللي تختلف عن الباقي إنها منتشرة أكتر وبيعها أسهل، بس أنا مكنتش مرتاحلها لأنها الأقدم.
أما اللادا فكل معرفتي عنها النت.