مشكلة تاكل طنابير هيونداى الماتريكس
السادة الكرام اعضاء المنتدي
عندي مشكلة قد تبدو لاول وهله مشكلة طنابير لكنها ليست كذلك
السيارة ماتريكس موديل 2005 اشتريتها من 4 سنين كانت عامله 50 الف ك
من حوالي سنة الطنابير الاصلية تاكلت و كانت الفرامل بتعمل رجة اول ما احط رجلي
علي الدواسة فكان من الطبيعي اني اغير الطنابير فاشتريت طنابير كوري ب300 م الخواجة اللي في ش البحر الاعظم و تيل جديد طبعا بس مفيش شهرين و الرجة رجعت
تاني اول مدوس فرامل فالميكانيكي قال نخرط الطنابير و فعلا خرطها و مفيش اسبوعين
و نفس الرجة رجعت تاني فقلت الطنابير وحشة ورحت اشتريت جوز طنابير اصلي م
غبور مع طقم تيل اصلي كلفوني حوالي 1600ج وقلت خلاص المشكلة اتحلت بس مفيش
3 شهور و الرجة رجعت تاني رحت لعفشجي حد قالي انه بيفهم راح خرطلي الطنابيرليزرفي ش شمبليون و غيرت التيل وفعلا المشكلة اتحلت بس مفيش شهر ورجعت
تاني الرجة مع الفرامل ولاسيما لو السرعة عالية بتكون الرجة اقوي فمن الواضح ان
المشكلة مش الطنابير لكن في حاجة بتخلي الطنابير تتاكل بشكل غير منتظم فتعمل الرجة دي. برجاء الافادة من خبراتكم و لكم جزيل الشكر
|