لو جبت الواجا انا مش هابقى راضية
************************* ******
بعد ما كنت حسمت امرى و قررت اشترى الواجا الـ2009
اضطريت (بعد ضغط من والدى و والدتى) انى اشترى الصنى الـ2011
قالولى : يا ابنى انت ممكن تحتاج تبيع ف اى وقت لأى سبب و ساعتها مش هاتعرف تبيعها
و مش هاتلاقى قطع غيارها و هاتدوخ عليها وبعدين دول حاجة و تمانين الف .. لازم تحطهم ف حاجة مضمونة .. هو الواحد هايعملهم تانى ف اد ايه ؟؟؟؟؟؟ و..و..و...و...و...
و ف الآخر والدتى حسمتها : هات اللى انت عاوزه بس لو جبت الواجا انا مش هابقى راضية
قلت لروحى ... اجيب اللى انا عاوزه و اتقلب بيها و امى مش راضية عنى .. و على ايه
الحمد لله الذى هدانى الى هذا و ماكنت لأهتدى لولا ان هادانى الله
بقيت من ملاك الصنى بقالى يومين
استلمتها يوم الإتنين اللى فات م السبع اللى ف المعادى و بعت معايا مندوب يخلصلى الورق و الترخيص و لهف 50 جندى
و كلو تمام
طبعا انا كان معايا " لادا 2107 " مو 1991 ... و الفرق كبير فى السحب و الفرامل و الركوبة كلها
انا خبرتى ف السواقة و العربيات عموما لا تتعدى سنة و ثلاثة شهور ... مش عارف هاقدر افيدكو ولا لاء
عموما انا تحت امر اللى عاوز يسأل