رد: هل تشغيل المكيف والعربية دايرة غلط ؟
شكرا يا مانو على التشجيع الجميل ده
و الى عنده لانوس ميبخلش عليها بسيير تكييف محترم لانى مره استرخصت و جبت واحد صينى ب 10 جنيه و عاش كتير من غير ما يتقطع لكن اتنسلت منه حتة زى الدبارة فمع ال RPM العالى بقت عملة زى منشار الكهرباء لانها بتبقى واقفة جامد بسبب قوة الطرد المركزية فقطعت فى مكرونة حماية ضفيرة المراوح و سيحت العازل البلاستيك من على الطرفين و عملت قفلة و المراوح وقفت و العربية سخنت و خدت منى وقت طويل علشان افهم ايه الى حصل ( العشرة جنيه - اصل كان فكرى ان اخره لو تقطع علشان صينى انه حيوقف التكييف بس - طلع انه ممكن يوقف العربية)
ملحوظة : التفتيش الدورى بالنظر على حالة السيور ( التكييف - الديناو - الباور ....الخ) لان ممكن تشعيره فيه تقطع فى حاجة تانية بتلمسها و السير بيدور على RPM عالى
سير التكييف فى الانوس بيفضل داير سواء التكييف شغال او مش شغال لان الكمريسور بيعشق كهربائيا مع الطارة من خلال الكلاتش الكهرو مغناطيسى
|