المشاركة الأصلية كتبت بواسطة gold_killer
السلام عليكم ورحمة الله وبركاته
انا حبيت بس اشارك مشاركة بسيطة للناس اللى محتارين بين بيكانتو و i10 واللى انا كنت مكانهم كده من حوالى اسبوعين بالظبط وقعدت اسال برضه واجيب من هنا وهنا لحد مالاقيت حاجه جامده موجوده على موقع topgear
وتقييمهم لكلا السيارتين
وحضراتكم ممكن تلاقوا التقييم
بالنسبه ل i10 :
http://www.topgear.com/uk/hyundai/i10
اما بالنسبه للبيكانتو :
http://www.topgear.com/uk/kia/picanto
و واضح جدا ان ال i 10 واخده تقييمات عاليه جدا فى حاجات كتير فى التقييم وواخده تقييم اجمالى 13 من 20
ولو جينا للبيكانتو فى التقرير اللى حضراتكم هتشوفو هنلاقيها واخده تقييمات اقل بكتير منها وواخده تقييم اجمالى 7 من 20
يعنى فرق جامد جدا
وبعدين برضو دخلت على موقع euroncaap واللى هو متخصص فى اختبارات التصادم واعطاء درجات الامان لكل سياره وبرضه لاقيت نتايج على النحو التالى
بالنسبه لل i10:
http://www.euroncap.com/tests/hyundai/i10.aspx
اما بالنسبه للبيكانتو:
http://www.euroncap.com/tests/kia/picanto.aspx
ولما حضراتكو تفتحو الصفحتين هتلاقوا فرق بين الi10 وال picanto فى الاتى
بالنسبه لحماية البالغين الهيونداى واخده 4 من 5 مقابل 3 من 5 للبيكانتو
بالنسبه لحماية الاطفال اليهيونداى واخده 4 من 5 مقابل 4 من 5 للبيكانتو (متساويين)
بالنسبه لحماية المشاه الهيونداى واخده 3 من 4 مقابل 1 من 4 للبيكانتو
ده يا جماعه كلام منظمات عالميه ومفيش حد فيهم ليه مصلحه فى حاجه والاختبارات دى بيتاخد بيها على مستوى العالم كله فانا بصراحه اقتنعت بالكلام ده كويس وبرضه سالت ناس كتير وقبل كل ده استخرت ربنا والحمد لله وحجزت ال i 10
علشان كل اللى فات ده وبعد ما سالت ناس برضه وقالتلى على تجربتها مع العربيه وكل الناس بيشكروا فيها اوى
يارب اكون افدتكوا بحاجه ولو عايزين اى استفسار فى اى حاجه انا موجود ان شاء الله |
بالنسبه لبرنامج توب جير احد اللاعضاء فى المنتدى نزل موضوع قبل كده وقال ان البرنامج ده ترفيهى اكتر منه متخصص فى السيارات
اما بالنسبه للامان الاتنين الى حد ما متفاربين جدا فى كل حاجه
والامكانيات كمان برضه بس معظم اللى سالتهم لحد دلوقتى مقتنعين بالبيكانتو اكتر
عموما ربنا يوفقك فى اختيارك ويبقى الاختيار الانسب
ومبروك عليك العربيه مقدما وربنا يباركلك فيهاptmnlo123per122