علي رأيك
انا امبارح راجع من طريق جمصه
طريق جديد و مرصوف و حارتين و مافيش فيه مطبات و طريق حلو جدا
و الاهم من كده راجع الساعه 5 الصبح و ما فيش عربيه علي الطريق الا عربيتي و عربيه واحد صاحبي
و برضه ما زودتش عن 120 و كنت كل شويه انزل بالسرعه لاني مش ضامن
واحد بيعدي الطريق و هو مسطول او عربيه تيجي من المخالف و عامله حسابها ان الطريق فاضي
ماهو احنا بقينا عايشين في بلد كل حاجه فيها ملخبطه
طب تخيل انا رايح جمصه بالليل و ماشي علي الشمال
و باخد ملف و فجأه الاقيلك توك توك في وشي وانا علي سرعه 100 كم /س !!!!!!!
ربنا ستر و اخدت يمين شويه و عديت الحمد لله و العربيه اللي ورايا بتاع زمايلي اخدوا بالهم و خدوا يمين برضه
طب واحد زي دا انت رأيك فيه ايه؟؟!!!!!!!!!!
انا لو كان فيه مجال اني انزل و الحقه مكنتش اترددت و كنت عدمته العافيه امبارح
بس حسبي الله و نعم الوكيل