من زمان وانا بقول ليه منعملش موضوع كل واحد يدخل يقول فيه هو بيشتغل ايه ووظيفته ايه ولو الشركة بتاعته ليه موقع علي النت يضيفه يمكن يكون حد فينا بيدور علي اي حاجه او اي معلومه ممكن يلقيها من خلال الموضوع ده
انا هبتدي بنفسي الاول
انا اسمي احمد ممدوح
اعمل مهندس شبكات وداتا انتري ولما الغزاله بتكون رايقه بدخل علي المحاسبه
بشتغل في شركة ليها فرعين انا من ضمن الفريق اللي مسئول عن الفرعين دول
اول فرع لينا اسمه ( Table Art )
والفرع فيه اطقم سفرة من الذهب والفضة وفي اطقم رسمين فرنسين رسمين عليها واطقم سكاكين وملاعق اسمها شيفلد من الفضة وفي تحف زي التليفونات بتاعت زمان اوي ديه بس بستيل جديد
ده كلام مختصر عن الفرع ده لسه فيه حاجات كتير اوي لو قعدت للصبح مش هخلصها وده اللينك بتاع الفرع الاولني
وديه صوره لطقم عندنا
وتاني فرع لينا اسمه ( Piano Art )
والفرع ده الوكيل الوحيد للبيانو الجراند اللي بتشوفوه في الاوبرا والحفلات الكبيرة اوي
والموسيقار عمر خيرت عميل عندنا والاوبرا ومعهد الموسيقي العربية والكونسيرفتوار
وديه صورة لبيانو من البيانوهات اللي عندنا
وده اللينك بتاع الفرع التاني