ازيكم يا جماعه الخير انا ليا استفسار بسيط انا معايا تويوتا كورولا 1993 وكنت مسقط لها موتور 1600 وبصراحه العربيه مريحاني ع الاخر ف كل حاجه امبارح واحد تاجر جيه بيقولي عاوز يشتريها انا اساسا مش بابيع بس قولت اشوف هيقولي كام لقيته بيقولي ما تجبش ازيد من 40 الف قلت له يا راجل حرام عليك دي باور وسنتر وتكييف قالي ما هي كلها فيها باور مع اني عارف كويس ان فيه عربيات ما فيهاش باور قلت له دي 1600 لقيته بيقولي لعلمك لو 1300 تبقي اغلي اصل انت مغير لها الموتور استغربت بصراحه هو انا جايب الموتور م الشارع ولا سارقه ده موتور انجكشن بيريحك لما تشغل التكييف عكس ال الكاربيراتير 1300 والكركره انتوا ايه رايكم ف الحوار ده هل ال 1300 فعلا احسن ولا ال 1600 وسعرها المفروض يبقي كام كده لاني حاسس انه نصاب وجاي يشتغل ف دماغي ويكرهني ف العربيه عشان اخلص منها وخلاص ده بيشكر لي ف اللانوس موديل 2007 زي ما اكون هاجيب بي ام منتظر ردودكم يا رجاله