المشاركة الأصلية كتبت بواسطة algaber
واضح ان صديقنا ليس لدية اى فكرة عن البيرسونا وواضح ان تاجر سيارات ليس لدية بيرسونا ولكن عندة شوية عربيات كورى او صينى عاوز يبيعها ارجوة ان يركب البيرسونا الاول و بعدين يحكم عليها بذمة
|
المشاركة الأصلية كتبت بواسطة abomariam
بص هو تقريرك كويس بس يفتقد للحيادية والعربية جين2 معايا ومع ناس كتير ومحدش فيهم اشتكى من راحة الكراسي ابدا وكون ان انت رايح تعمل صيانة من غير ما تعمل حجز مسبق فدي مشكلتك انت مش مشكلة التوكيل لان انت رافض انك تمشي على النظام اللي عامله التوكيل ورغم ان انت مش حاجز بس التوكيل رضي يخلصلك العربية بس طبعا عشان مش حاجز فلازم يخلصوا كل العربيات اللي اصحابهم حاجزين وعربيتك تتعمل في الاخر ودا طبعا حق الناس اللي حاجزة انهم يمشوا الاول اما ال 900 جنيه فياريت تتاكد من الرقم ده او تتاكد ايه الصيانة اللي اتعملت بالظبط لان تغغير الزيت والفلتر في التوكيل ب 180ج فقط لاغير وانا شخصيا محصلش معايا اي مشكلة في العربية غير فردة من السنتر علقت و رحتلهم واتعملت وانا واقف والمعاملة ممتازة والحمد لله بس هما مش منظمين ودا عيب موجود في اغلب التوكيلات في مصر
موضوع انك مش مقتنع بالماليزي يوضح ليه انت متحامل في الكلام اللي انت كاتبه بس العربيات بتاعة بروتون محترمة جدا ومفيهاش عيوب صناعة ولكن بعض العربيات بيظهر فيها بعض عيوب التقفيل لكن مفيش مشكلة ولا في موتور ولا عفشة ولا كهربا
|
المشاركة الأصلية كتبت بواسطة MohabSaeed
للاسف كلام حضرتك كلام مش مظبوط بالتأكيد .
اولا مافيش بيرسونا دخلت مصر غير عن طريق التوكيل ....(( وده لسبب بسيط جدا ان التوكيل بينزلها فى مصر بسعرها بره وده لانه بياخدها اساسا بسعر رخيص من بروتون ماليزيا )) ولو نزلت من برهو اتجمركت تمنها حيعدى ال100 الف جنيه .... يبقى ازاى حضرتك بتقول انها جايه من بره ؟
ثانيا انهى عربيه فى العالم الى تخليك تبدل سواقه كل ساعه علاشان كراسيها مش مريحه ؟ مع العلم ان كراسى البيرسونا جيده جدا " مش حقول ممتازه "
ثالثا البيرسونا و كل سيارات بروتون مش بتغير اى سير عند 25 الف كيلو .... اقرب معاد هو 60,000 كيلو او 3 سنوات .... و اساسا فى الكتالوج موصى بتغيرهم كل 100,000 كيلو او 5 سنوات !!!! يبقى ازاى عند 25 الف تغير سيور
رابعا بفرض ان فعلا تم تغير السيور .. تغيير السيور فى البيرسونا او الجين 2 مش ب 900 جنيه ....لان تمنهم بالمصنعيه مش اقل من 1500 جنيه " طقم السيور و مصنعيه فقط " .
اعذرنى فى كلامى ... بس كل المعلومات الى حضرتك كاتبها غير صحيحة .
|
+1000000000000
مش هزيد حاجه
انا معايا جين2 ومافيش ولا حاجه من اللى قولتها بتحصل معايا او قدامى
واكيد شهادة ملاك العربيه واللى معاهم على طول ودايما بيروحوا التوكيل ... بتكون شهادتهم محل ثقه اكتر