مبدئيا العربيه النترا 2012 عامله 108000 كم وشاري طقم كاوتش جديد من حوالي 7000 كم
واخر صياه في غبور كانت علي 40000 كم ومروحتش تاني بس كنت بعمل الصيانات كامله وعملت صيانه ال 100000
المهم
من حوالي ايام كده ظهر عندي رعشه في العجله اليميم بحسها تحت رجلي اوي روحت للميكانيكي قالي مفيش حاجه ورفع العربيه وجري العجلتين الاماميين ومفيش اي حاجه روحت للعفشجي بص علي العربيه كلها وقرط علي العفشه وقالي مفيش حاجه روحت لبتاع الزوايا قالي العربيه مظبوطه وتمام بس نغير العجله الاماميه يمين مكان الشمال الاماميه برده حسيت بالرعشه بس مكنتش قادر احدد من اي جانب روحت ناقل عجل ورا مكان عجل قدام وجربت لقيت برده الرعشه موجوده ووضحت تاني في الجمب اليمين
وكشفت علي الترصيص والجنوط وكله تمام علما اني مجنط 16
وروحت علي كده لاني زهقت ولسه مش عارف ايه السبب
بس بعد تفكير اهتديت ان الصلايب الداخليه للكبالن تعمل كده وممكن تكون هي السبب
ولا انا غلطان وملهاش علاقه اساسا علما باني لو رفعت رجلي من علي البنزين الرعشه بتروح
حد بقي عارف ايه السبب الفعلي
ولو حد يكون مر عليه الموضوع ده يدلني
ولو مش الصلايب ممكن يكون ايه
مستتني رددودكم وشكرا ليكم