المشاركة الأصلية كتبت بواسطة بدر بسيونى
شكرا تقرير شامل بسيط وجميل بجد بشكرك عليه بس انا عاوز اتاكد لان التوكيل بيقول ان العربية دى يابانى وموقع هوندا الرسمى غير موجودة وانا بعتقد ان العربية ماليزى مش يابانى وبالرغم من كده تحفة وتجنن انا بعشق شكلها
|
العربية تايلندى يا باشا مش يابانى و دى معلومات اكيدة انا كنت لسة بتفرج عليها امبارح فى التوكيل أنا و مجموعة من الاصدقاء
العربية حسنوا شكلها عن قبل كدة كتير و ان كانت من وجهة نظرى محتاجة تتحسن كمان... ما يميز السيارة هى جودة الخامات و التقفيل العالية جدا و قوة المحرك بالنسبة لحجم السيارة وايضا طريقة وضع المحرك البعيد عن مقصورة الركاب و البعيد ايضا عن مقدمة السيارة و الراديتير و هو ما يقلل دخول الضوضاء و الحرارة الى مقصورة الركاب و يحسن اداء دورة التبريد و يمنع تضرر اجزاء السيارة الداخلية فى حالة الحوادث لا قدر الله
و من جوة برده مش بطالة بالنسبة لشكل الداش بورد يعنى
اما بالنسبة للصاج .. فا هو اضعف من الكرتون بشوية ,, انا لما بريح صباعى عليه بحس انه فبر والله مش صاج
عموما شايف العربية عموما كويسة و من احسن السيارات فى فئتها و ان كان يعيبا سعرها العالى بالنسبة للكرتون الى مركبينه على انه صاج