الله ينور يا ابو نورا علي التحليل المنطقي و المفصل ده
و من كلامك انا قدرت اطلع باستنتاج مهم الا و هو ان نجاح اللوجان في ايد التوكيل بتاعها
توكيل الرينو لازم يعرف ان العربيات المنافسة سواء اللانوس او الفيرنا بقالهم مدة كبيرة في السوق و الناس بقت خابزاهم و عجناهم و قطع غيارهم بقت تقريبا في الاكشاك فعشان ينافس لازم يحرص علي ابقاء تدفق مستمر لقطع الغيار و مراجعة اسعارها لانة واضح انة بالاسعار الحالية بيحاول يعوض التخفيض في سعر البيع و ده للاسف سياسة فاشلة و لو استمر فيها العربية هتفشل فعلا
استاذ
saskonn
محدش قال ان العربيات الفرنساوي فاشلة في اوروبا احنا بنتكلم عن هنا. و لمعلوماتك مجموعة VW هي متصدر اكثر العربيات مبيعا في اوروبا من مدة طويلة يعني حتي لو العربيات الفرنساوي منتشرة فاكيد مش زي الالماني. اما بالنسبة للياباني و الكوري فمعروف انهم مش منتشرين في اوروبا و ده بسبب ولاء الشعوب دي لمنتجات بلادها اولا و لان معظم الاوروبين بيفضلوا العربيات الديزل و خبرة اليابان و كوريا فيه مش قوية زي الاوروبي بس ده ميمنعش ان شركة زي تويوتا مثلا بتحقق مبيعات كويسة هناك. اما بالنسبة للخليج فمفيش عربيات بتخش اذا كانت غير مطابقة للمواصفات (الا العربيات اللي بيجبوها الافراد) اما سبب عدم انتشارها هو غير موائمتها للظروف المناخية هناك.
بالنسبة للوجان ان مش ضد العربية دي بالعكس انا بتمني انها تنجح عشان نخلص من العربيات ام تكنلوجيا القرن اللي فات اللي ماليا مصر دي لكن من الواضح ان اكبر عقبة امامها هي توكيلها