بصراحة انا معرفش اى حاجه عن ال BMW ولا حتى اعرف موديلاتها
ولا اعرف افرق بينهم اللهم ال x3 لان شكلها مميز عن باقى الموديلات يعنى
وطبعا انا شاب ومعنديش الامكانيات اللى تساعدنى على ركوب العربيات الفخمه دى
لكنى سمعت من احد الاصدقاء ان الموديلات القديمه مش بتبقى غاليه اوى
ومهما كانت قديمه اسمها برضه عربيه المانى وبى ام هتبقى احسن من العربيات الاقتصاديه الكورى والصينى واليابانى اللى ماليين البلد
فابتديت ادور عالنت ولقيت الموديل 318i ومعاه موديل تانى اسمه شارك تقريبا
هم الاكثر مبيعا فى قديم البى ام وقلت موديل 1990 اعتقد يكون معقول
وحبيت استفيد من خبرات اخوانى فى المنتدى بمعلومات عن العربيه وسعرها طبعا اهم حاجه لو كانت حالتها معقوله يعنى وهل فى منها موديلات ثمانينات واسعارها قريبه للتسعينات ولا فرق كبير
والف شكر مقدما لاعضاء وادارة المنتدى