رد: تنتيشه فى النوبيرا
لو فعلا لما فصلت الخرطوم النتشة راحت يبقى صمام ال egr هو السبب
سيبه مفصول و سد طرف الخرطوم بأى حاجة
مفيش خوف من فصل صمام ال egr لانه من الاخر معمول عشان عدم تكون اول اكسيد النيتروجين الضار بالبيئة و عشان يعمل كدا فبيبقى على حساب قدرة المحرك
فهو فعليا نظام لحماية البيئة و فصله حيأثر على البيئة و يحسن اداء المحرك
و الجزء اللى شبه صمام الايدل اللى متوصل بيه الخرطوم دا اسمه السولونويد بتاع صمام ال egr
ببساطة لما الكنترول يحس ان العربية سخنة و ال rpm اعلى من 1800 تقريبا و ديى الظروف المناسبة اللى عندها بيتكون الغاز الضار للبيئة
فبيدى أمر للسولونويد يفتح كهربيا مسار فيكم الهوا من الثروتل بدى الى ال egr طبعا مرورا بال سولونويد نفسه
فلما بيتولد فيكم على سطح رق الصمام فبيرتفع و بيرفع معاه ستم او عامود نهايته شكل مخروط للسماح بجزء من العادم الرجوع لمدخل الهواء و الامتزاج مع المخلوط الداخل للاحتراق
فطبعا كفائة الاحتراق تقل و درجة الحرارة تقل للمستوى اللى لا يسمح بتكون اول اكسيد النيتروجين
+ ان صمام ال egr فى الدايو يصنف positive ايجابى يعنى كمان ضغط الشاكمان بيساعد شوية على رفع الصمام و دا تفسير انك لما نفخت فيه حسيت ان فى تنفيث لانه مصمم انه يوجد بالرق بتاعه خرم رفيع يسمح لارتفاع الصمام عن طريق ضغط غازات الشاكمان من الاسفل
مخبيش على حضرتك انا حاولت قبل كدا اصلحه بالرغم انه و المنظومة سليمة كفائة الماتور اقل من لو المنظومة مفصولة بس قولت المهم البيئة بس للاسف 3 توكيلات فشلوا فى الاصلاح و تقريبا مش فاهمين النظام
و كنت غيرت الصمام بواحد استعمال و مفيش فايدة فمش عارف العيب فين
بس الوضع النهائى انى فاصله و الماتور ماشى احسن
ممكن كاجراء وقائى حتفك ال egr و تنضف كويس عامود الخنق بتاعه و تنضف الفتحات اللى فى قاعدة المانيفولد من الرواسب بس حاول تحافظ على الجوان و لو باظ مش مشكلة اى حد بيعمل جوانات فرن حيفصلك جوان لل egr ب 5 او 10 جنيه فى 5 دقايق
ممكن التنضيف دا يجيب نتيجة و الصمام متوصل كامل او على الاقل و الصمام مفصول حيحسن الوضع شوية كمان
و ممكن لا عشان كدا انا معتبره اجراء وقائى مش حيخسر لانه مش حايخد وقت و تقريبا ببلاش
__________________
سبحانك لا علم لنا الا ما علمتنا
|