رد: ألحقوني وربنا يبارك لكم
شوف يا أستاذ : حسن
طالما تبين لك أن كتاوت المروحه مبوش على قاعدته بعلبة الفيوزات
حاول ببوز مفك عدل صغير
أنك تلم نتايات تركيب الكتاوت الموجوده بعلة الفيوزات
سنه بسيطه من الخارج
وبرضه نظف المنطقه دى بمنظف كهربى مناسب
بيسمى ( إلكتروكلينر) وموجود عند بتوع الألكترونيات والأدوات الكهربيه
وبعد رش الأسبراى الخاص بالمنظف
جفف المنطقه ببلاور أو سيشوار
وركب كتاوت المروحه بإحكام وجرب
الطريقه دى أولا
_______________
ولو فرض ومجبتش نتيجه
حنضطر نستخدم طريقة التشعير البلدى ( على كل رجل لوحدها من أرجل الكتاوت )
لعمل أحكام جيد خاص بتركيب الكتاوت على قاعدته بعلبة الفيوزات
لأن مش معقول طبعا
حتغير علبة فيوزات فى عربيه لسه حديثه
وساعات بيكون فيه علب فيوزات
ممكن يتغير فيها قواعد نتايات كتاوت معين
بس لازم تكون العلبه عندك تسمح بهذا
وفى نفس الوقت
يلزم لهذا كهربائى نظيف
__________________
قال رسول الله
إن الله ليملى للظالم ............حتى إذا أخذه .....لم يفلته
صدق رسول الله
___________
م/سمير
|