[ابو هيما]

المشاركة الأصلية كتبت بواسطة تامين سيارات السلام عليكم الشركه الى حضرتك بتتكلم عنها انا عارفها ودى مشكله عامه والهيئه كل فتره بتصرف و موضوع الفلوس من تحت الترابيزه ده اونطه ما تسمعش كلام حد ان يبقى ليك شيك ب 50 الف تدفع 10 الاف كل ده نصب الى يقولك كده قوله هات الشيك وانا ادفعلك المحامى لو رفع قضيه هايكسبها و اسال فى الموضوع ده كويس بس نيجى بقى لموضوع حرام الحرام يا استاذى يبقى من عامه الفقهاء بمنى لو اختلف ابو حنيفه مع المالكى فى مساله و كل واحد قال راى يبقى لا تفرض راى احد منهم على احد و هل سيدنا يوسف لما ادخر فىالسبع سنين الرخاء للجفاف كان يتحدى امر الله او قدره لا طبعا لاكن نتعلم ان ندخر فى الرخاء للجفاف الفكره ان لا يكون العقد غر بمعنى انه مايكنش غصب عنك و الموضوع ده متوفر لان عندك شركات كتير ممكن تختار اقولك بقى على حاجه مافيش فى الدنيا تامين بيجدد عربيه مستحيل شوف بقى فى ناس بتبقى عاوزه تجدد العربيه باعتقد منها انه ده حقها و لو فتحنا موضوع حلال لانه ضد قدر الله مش هانجيب حاجه انا قلت لحضرتك اتصل بدار الافتاء و شوف هايردو عليك و يقولو ايه 83107 اخيرا الفكره بس انك ماتحرمش ليه لان دار الافتاء لا تحرم و ما تنساش ان التامين ده فى السعوديه بلد الشريعه واذا كان احد عنده راى يحترم لكن مايبقاش هو الصح المطلق الا اذا كان بنص او حديث او سنه

شوف ياباشا أنا الأول عاوز اقول لحضرتك كل سنة وأنت طيب ورمضان كريم .
ثانياً : قبل ما أنهى الموضوع ده معاك فأنا مش عاوزك تاخد الموضوع بمحمل شخصى وتزعل عشان أنا وأنت ما نشلش ذنوب فى رمضان , أنا عارف أن الموضوع بالنسبة لك مصدر رزقك ومن حقك أنك تدافع عن مصدر لقمة عيشك وماحدش يقدر يلومك فى كده , بس أنا هأقول لحضرتك أخر كلمتين وبردوا من كلام أشرف الخلق قدوتنا ورسولنا محمد صلى الله عليه وسلم
(( الحلال بين و الحرام بين و مابينهما شبهات ، فـأجتنبوا الشبهات )).. يعنى أحنا هنا واقفين فى موضوع كتر فيه الكلأم فيبقى البعد عنه أحسن وأفضل , وأنا أهو بنى أدم زيي زيك ذكرت تجربتى الشخصية وأقسم بالله أنها حقيقية وهى أنى لما بعدت عن التأمين ومابقتش أأمن ,, أقسم بالله أن ربنا بارك لى فى العربية وماكنش فيها الهوا وكنت على طول بسافر بيها كتير جداً, لدرجة انى بعتها بعد ما شبعت منها كأنها زيرو وكسبت فيها كمان , فى حين أن الأتنين اللى قبلها كنت مأمن عليهم فمتنصفتش فيهم , وأنا ذكرت الكلأم ده فوق فمفيش داعى لتكراره تانى..
وبعدين ياسيدي موضوع قصة سيدنا يوسف والأدخار للسنين فهو شىء ليس به شىء وهو مدبر ومقدر من الأول للأخر بيد الله عز وجل , حين أظهره بالمنام للملك , فليس به شىء , وأيضاً الأدخار أظهره الله عز وجل فى القران فى قوله تعالى:{ولا تجعل يدك مغلولة إلى عنقك .. "29" }(سورة الإسراء)كمان ممكن تأخد من شبابك لهرمك ,ومن صحتك لمرضك , وكلها أمور تدل وتحس على العمل لغد والدخار له , وسامحنى مش لأزم نتطرق للموضوع ده أكثر من ذلك لأنه بعيد شوية عن قضيتنا ...
نيجي بقى لموضوع السعودية وشركات التأمين اللىحضرتك ذكرته .. أنا هرد على حضرتك وأقول طب ما الكل عارف أن موضوع البنوك وفوايد البنوك والقروض والحاجات دي كلها كتر فيها الكلام بين الحلأل والحرام وأكثرالأقوال يقول ان فوايد البنوك والقروض حرام وبالرغم من ذلك فيوجد بالسعودية بنوك كتير ..القضية هنا أن السعودية ليست دولة صغيرة وانما لها كيان ووضع كبير بين الدول الأسلأمية بما تحويه من أماكن مقدسة , وأيضاً كيان دولى على الخريطة السياسية والعالمية نتيجة الموقع الجغرافى وبما تحويه من ثروات معدنية تصدر للخارج وحركة تجارة داخلية وخارجية وشركات أستثمار أجنبية وسياحة دينية كبيرة.. فكل هذه الأشياء تفرض عليها بحكم البروتوكلأت والأعراف الدولية أن تفتح مجال للبنوك ولشركات التأمين لضمان الحقوق للمستثمرين والأفراد , وبما أن مرجعيتهم دينية بحتة فعشان كده بيطبقوا كل حاجة صح وبيعطوا كل ذى حقاً حقه بلأ نقاش ولأجدال يضيق صدر الطرفين وينفر بينهم ... وإليك الدليل بالرد فى نفس الموضوع من مشاركة احد الأعضاء من السعودية وشوف قال أيه بالنص كده
(لا حول و لا قوة إلا بالله
أيه آليه العمل الغريبة دي..
في السعوديه بكل بساطه إذا سويت حادث الله يعافينا فقط نفذ الخطوات التالية :
- إتصل بالشركة المسؤوله عن حوادث المرور "نجم"
- تجيك سيارة نجم .. يعمل محضر بالحادث و رسم كروكي و يصور السيارات ..
- و يعطيك ورقة إصلاح "لا يمكن إدخال السيارة أي ورشة بدون هذه الورقه"
- و يعطيك و رقة أخرى موجهة إلى شركة التأمين مكتوب فيها رققم الحادث.
- طبعا تعمل 3 تسعيرات أو مقايسات مع قطع الغيار ..
- و تأخذ الأوراق و تذهب بهم لفرع شركة التأمين
- تعطيهم الأوراق .. مع العلم أن الشركة تعتمد التسعيرة الوسط
- و يقولك راح نتصل بيك
- و تقوم الشركة بالإتصال بيك لإعلامك بإن الشيك جاهز
أو للإعتراض على شيء ما ..
و طبعا الإعتراض ده نسبته لا تذكر.
- و طبعا أنت تكون أدخلت السيارة ورشة و بتصلح لحين ما يجيك الشيك ..

بدون أرق أو مشاكل أوي إحساس بإن في حد بيتربص بيك و قبلها بكم شهر كان بيقنع فيك ..)))

فرحت أنت جيت رديت عليه وقلت ردوا بالنص :

((السلام عليكم

ولهى كلامك زى الفل بجد و فعلا ده نظام التامين فى السعوديه لكن عاوز تبقى زى السعوديه خلى مؤسساتك زى مؤسسات السعوديه

من الاخر كده مافيش واحد سعودى بيشترى عربيه و ياجرها و مايبلغش التامين
و التوكيل هناك مش بيضرب الفاتوره فى 5 على شان مصلحه

غير شوارعك و انهى على الميكروباص بص الموضوع كبير اوووى و نحمد ربنا انها شغاله ))
يعنى حضرتك معترف فى كلأمك ان فى عندك فساد وعندك عدم انضباط فى الشارع المصرى لتطبيق فكرة التأمين كما تطبق عليه بالخارج .
أذاً كل شركات التأمين الموجودة وبنفس منطق حضرتك فى الكلأم وبالأخص فى أخر سطر لك من كلأمك, لأتصلح لتحقيق مبدأ التأمين على الحياة والمنشأت والأفراد لأن الكيان و الأساس والمنظومة المجتمعية كلها من الأول للأخر بأيظة وفاسدة ومتهالكة وعاملة زى الجسد اللى أصابه السرطان وتفشى فيه المرض وأصبح لأينفع به علأج ولأ مضادات حيوية وأن علأجه بس هو الموت ..!!!!!!!!!!!!!!!!!!
تصدق بالله وأسمح لى أنى أفتح لك قلبى كأخ وأقولك , أنى كتير وانا قاعد مع صحابى واهل بيتى بقول لهم .. أن مصر بلدنا عشان يتصلح حالها وحالنا ونبقى زي الدول المحترمة اللى بتحترم حقوق الأنسان والمواطن , محتاجة شدة وأحنا كلنا محتاجين شدة تفوقنا وتصحينا وترجع الضماير اللى ماتت وأتدفنت من زمان .. سأمحنى أنى بعدت عن الموضوع شوية ومش عاوزك تزعل وتاخد الموضوع بصورة الند .. أنت قولت رأيك وأنا قولت رأئى وأكيد القارى اللى بيشارك معانا فى الموضوع له رأيه ووجهة نظره اللى طلع بيها من الموضوع ..

فى الأخر , أنا ليا طلب واحد صغير عند حضرتك وعند الأستاذة إيمان بشركة مصر للتامين .. أنا عاوزكم تشوفوا الراجل صاحب الموضوع أيه اللى ناقصه وتريحوه , وربنا يجعلها لكم بحق الأيام المفترجة دي فى ميزان حسناتكم . أعتبروا أن الصح اللى أنتوا هتعملوا مع الراجل ده ,هو عمل صالح بتقدموا لربنا فى الشهر الكريم ده .

ربنا يهدينى ويهديك ويهدى المسلمين جميعهم ,ويجعلنا من عتقائه فى هذا الشهر الكريم ويحسن لنا الخاتمة جميعاً
تقبل تحياتى , وكل عام وانت بخير