رد: تحذير هام ( ممنوع شراء رينو بكافة انواعها )
سعر بيع غالي
مين قال الوهم دا ؟؟
العربيات كلها غليت جدا جدا الايام دي مش الرينو بس
وثانيا حضرتك ماسك في الرينو بس ليه ؟؟
عندك الانترا هاي لاين من سنة واحدة كان سعر الهاي لاين 150 الف دلوقتي بقت فوق ال180 الف جنيه
ومش الالنترا بس دي عربيات كتيرة جدا جدا جدا
اما بخصوص اعادة البيع دا في عربيات الرينو الغالية اللي هما الميجان والفلوانس والداستر انما اللوجان والسانديرو والستيواي سعره اعادة البيع زي الفل وكويس جدا
وقطع الغيار غالية فعلا بس مش للدرجة ومين قال انها مش متوافرة بالعكس قطع غيار الرينو بدات في الانتشار
اما بخصوص التوكيل فهو مش حرامي ولا حاجة دا من افضل التوكيلات في مصر بغض النظر عن اسعاره الغالية صيانات سريعة وممتازة خدمات ما بعد البيع كويسة ومراكز خدمة ومعارض منتشرة على مستوى الجمهورية
وثانيا كل العيوب دي ــ اعادة بيع سيئة سعر غالي توكيل حرامي ــ دا اذا كانت عيوب اصلا العربية ملهاش دعوة بيها اصلا يعني هل معني ان التوكيل زبالة واعادة البيع سيئة الخ يبقا العربية وحشة ؟؟!!
وثانيا مين قال ان الكوري انضف من اللوجان؟؟!!
حضرتك عايز تقتنعني ان الفيرنا (اللي بتحك في لمطبات واللي ثباتها زبالة واللي صالونها علية كبريت واللي توكيلها نصاب ) وان اللانوس (اللي فراملها ضعيفة واللي ثباتها زبالة واللي بتحك في المطبات واللي طارتها معوجة ناحية الشمال) عايز تقتنعني ان دول كلهم احسن من اللوجان (اللي فراملها قوية واللي ثباتها كويس واللي عالية عن الارض ولا في مطب يقدر يلمس العربية واللي صالونها واسع)
وثانيا الرينو لوجان انتشرت جدا جدا في الفترة الاخيرة ولو حضرتك مش مصدق انزل اقعد في الشارع ربع ساعة وشوف كام عربية لوجان ومينفعش تقارن انتشار اللوجان بانتشار الفرنا واللانوس لانهم عربيات في السوق من 10 سنين انما اللوجان لسا مش مكملة 3 سنين وعلى الرغم من كدا انتشارها كبير في وقت قياسي
وثانيا فيها ايه لما يكون الرينو اسم سفاح ؟؟
ببلاش التفاهات دي
ودا على فكرة دليل ان اللوجان مفيهاش عيب حقيقي فسيادتك بتبص على امور تافهة وهايفة اوي
وثانيا انتا زعلان اوي علشان دراع النور اتغير على ال90 الف ومش عارف ايه طب دا انا عارف واحد معاه فرنا وجاب ماتور استيراد والعربية مش مكملة 120 الف كيلو ايه رايك ؟؟
وثانيا متقارنش اعتمادية اللوجان باعتمادية اللانسر
انا عايزك تقارن اعتمادية اللوجان باعتمادية اي عربية كوري او صيني من نفس فئتها وانتا تشوف بنفسك
يا راجل حرام عليك دا في عربيات في نفس سعر اللوجان وبتغير حاجات العن من دراع النور والثروثل بادي
وثانيا انتا زعلان اوي ان جوز المساعدين تونسي
عندك البي ام 740 والاكس 3 والفئة الثالثة والمرسيدس بكل فئاتها العربيات دي كلها 50 % من مكوناتها وقطع غيارها مصري
مستني ردك
تحياتي
|