باركولى يارجاااااااااااااالة مصر موتورز ( جـــــــــــبــــــت اللوجان 2012 Black line ) أخيــــــــــــيراَ الحمد لله ....
( بـــــــــســـــــــم الله الرحمــن الرحــيــــم )
أولاَ ـ الحمد لله رب العالمين إن ربنا كرمنى وجبت الرينو لوجان لأن دة كان حلم بالنسبالى والحمد لله تحقق ( وأتمنى إن ربنا يديمها نعمة علينا جميعاَ ويحفظها من الزوال ويكفينا شر الطريق ) .... اَمين ....
ثانياَ : العربية بسم الله ماشاء الله روعة الروعة فى حاجات كثير أنا حسيتها أول مركبتها ومشيت بيها من حيث الراحة والوسع وإرتفاع السيارة والهدوء من الداخل والإضائة الجميلة وبعد مجربها أكثر هحكلكم أكثر إن شاء الله ....
ثالثاَ : ودة المهم إنى بجد إستفدت جداَ من ردود الأعضاء الكرام فى هذا المنتدى الكبير وأنا بكشف على العربية فى المعرض وبراجع الأوراق وكل حاجة عن العربية الحمد لله مخلتش فتفوتة مرجعتهاش وكمان كنت واخد معايا ميكانيكى شاطر عشان يعرف لو فى أى غلطة وللا حاجة فى الميكانيكا بتاعت العربية ....
والحمد لله أنا أشتريتها من ( سمير ريان ) وجبتها اللون البرترولى وأنا مرتاح جداَ للعربية الحمد لله ....
بس فى حاجة غريبة محدش من الأعضاء إتكلم عليها قبل كدة أو أنا مشفتهاش فى أى تعليق وهى ( لما جربت الكاسيت بتاع العربية كنت واخد معايا إسطوانتين واحدة MP3 وواحدة Audio والإثنين إشتغلوا وقراهم الكاسيت بس الصوت بيشتغل ويقطع كل ثنيتين بالظبط . فقلت طب أجرب فى عربية تانية لقيت نفس الحكاية بالظبط يشتغل الصوت ويقطع كل ثنيتين فلما قلت للراجل عليها قالى دة طبيعى جداَ فى العربية الزيرو ولازم تتصل بخدمة العملاء فى التوكيل وتديهم رقم الشاسيه بتاع العربية هيدوك كود للكاسيت تدخلوا فى الكاسيت وهيشتغل بعد كدة تمام ....
فأنا لسة مستلم العربية وجيبها من شوية وطبعاَ دلوقتى مكتب خدمة العملاء قفل من بدرى فهتصل بيهم بكرة الصبح وأشوف الموضوع دة إن شاء الله تطلع حاجة بسيطة
ومحتاج تعليق حضراتك على الموضوع دة .... ؟
وفى حاجة كمان هية المرايات الكهرباء بتتقفل لغاية الزجاج بتاع الشباك وللا مينفعش تتنى عشان فى ناس قالتلى إنو مينفعش تتنى .....؟
والحاجة الغريبة التانية إللى مكنتش متوقعها إن صوت الموتور هادى جداَ وهية وقفة وصوته أكاد أكون لا أسمعه وهية ماشية عكس إللى الأعضاء مكانت بتقول إن الموتور صوته عالى أنا شايف إن صوته هادى خااااالص ....
وفى النهاية أنا بشكر حضراتكم جداَ على كل شئ أفدتونى بيه فى هذا المنتدى الكبير
شـــــــــــــــــــــكــ ــــــــــــــــــــراَ
|