السؤال ده جه علي بالي كتير
وكمان ملاحظ من ردود الناس هنا
ان هما مش واثقين في الصيني لكذا وكذا
وانهم بيقيسوا انها لو نزلت اوروبا حيبقي ده مقياس لجودتها
انا بقي بالنسبالي لا اعتقد ذلك
علي فكره انا اعتقد حتي لو نزلت السوق الاوروبي
ده مش يعتبر مقياس لينا
لان التقفيل ساعتها ممكن يختلف وجوده الصناعه المصدره
انتوا عارفين مثلا ان الوكيل هنا بيسترخص فبينزل فرز تالت عشان كده سمعة الصيني مضروب في مصر
مع ان الاقتصاد الصيني اصلا مسيطر علي العالم
فاحنا بيجيلنا الفرز التالت منهم
مع ان معظم المصانع العالميه تقريبا بتصنع في الصين حتي البي ام تقريبا
كمان السيارات الصيني اللي في مصر غير الجوده اللي موجوده في الصين نفسها
كمان كده معلومه لكم
انا مره قريت تقرير لوكاله سيارات هنا في السعوديه انهم لما سافروا اليابان علي سبيل المثال لتجربة احد فئات التويوتا
مرشد المصنع قالهم ان المصنع ده كل انتاجه لليابان فقط
و4% بس اللي بيتصدروا واغلبهم للسوق الامريكي وانهم غير مهتمين في هذا المصنع بالسوق العربي
ولذلك تلاقي تويوتا اللي في الخليج ومصر علي سبيل المثال تجميع احد البلدان الاخري
فنفس الموقف بينطبق علي الصيني
اللي هما جودتهم وسياسة انتاجهم بتختلف من بلد الي اخري حسب ظروف البلد واحتياجاتها
كمان ما تنسوش ان الصين دلوقتي في تطور مستمر
كمان اسعار السيارات الصيني ما بقتش رخيصه يعني
ده برده بالوفات
ديتها بس وكيل جامد واتفرجوا بعد كده
فهمتوني
وشوفوا كده ده مثال لالنترا بس في اليابان مش في مصر
ايه رايكم في كلامي
ارجو النقاش الهادف