الحقيقة العربية بقالها كام يوم ظهر عليها اعراض اسطوانة الدبرياج لانى لقيها وهى على التالت بدوس لها بنزبن الاقى مفيش سحب خالص عرفت انها اسطوانة قلت مبدهاش رحت لميكانيكى واتنبن لقيتهم ملهمش مزاج يشتغلوا فى العربية تقريبا عشان 127 . مطولش عليكم رحت لواحد صاحبى ميكانيكى قديم كبر فى السن وبطل شغل قلت له لازم انت اللى تعملها واستجاب الراجل .
رحنا عندى الجراش الاول فك الرادياتير وطلعه بره بعد كده رفعنا العربية وحطينا قورمة كبيرة تحتها عشان ماتتهزش بعد كده فكينا العجلة وبعدين نترنا الكوبلن من الطنبورة وطلعناه من الفتيس
بعد كده فكينا الفتيس ورفعناه بالكوريك عشان نسنده ميقعش وفكينا الكوبلن التانى منه وبعدين براحة خالص طلعنا الفتيس ونزلناه على الارض وظهر امامنا الديسك
بعد كده طلعنا الديسك والاسطوانة ظهر امامنا حاجة اسمها الفلام
فكينا الفلام لانه كان فيه عالى وواطى وديناه المخرطة عشان بشيل العالى والواطى (بيسموه مس )
وجبت اسطوانة ودسك وبلية جداد
ده الفتيس بعد مانزل
بعد كده ركبنا وربطنا وطبعا ملينا زيت الفتيس تانى والحمد لله بقت العربية تمام