[الحمادوى]

متشكر جدا وربنا يبارك فيك
بعد المعلومات اللى عرفتها دى اتأكدت ان سبب طفى لمبة الزيت من حساس الزيت فاصل على طول
والطريقة عشان اعضاء المنتدى
بما ان السالب بيكون واصل من لمبة الزيت فى الطابلون الى حساس الزيت فى الموتور
فى حالة ما بيكون الموتور مش شغال حساس الزيت بيوصل السالب بجسم الموتور فبينور اللمبه
يعنى الحساس فى حالة اتصال
وانا لما قست السلك اللى جاى واصل للحساس لقيت فيه كهربة معنى كدة ان مفيش مشكلة فى اللمبة والسلك مش قاطع
وبطريقة سهلة جدا
لو شيلت الكلبس من الحساس ووصلته بسلك سالب او بجسم العربيه
وفتحت الكونتاك هتلاقى لمبة الزيت نورت
من هنا تعرف ان السبب موجود فى حساس الزيت وتغيره
ملحوظة للاعضاء
بس فى الحالة دى لمبة الزيت هتقضل منورة باستمرار حتى لو شغلت الموتور
لان الحساس هو المسؤل عن فصل وتوصيل اللمبه
واحنا بالاختبار ده فصلناه

غير كدة هتكون مشكلة تانية