[ahmed f.abdel aziz]

محتاج مساعدة اصحاب التجارب السابقة والمتخصصين ....
اشتريت عربيتى الجالنت 93 وهى لسة راكب لها موتور استيراد من 4 شهور
بعد تركيب الموتور سير الكاتينة اتقطع وطبعا عمل مشكلة فى الصبابات وصاحبها غير طقم الصباب وعمل اللازم وانا لما عاينت العربية كانت عند الميكانيكى بيقفل الوش .
المهم اشتريت العربية وسمعت صوت التاكيهات عااالى جدا فسألت البايع فقالى التاكيهات عبارة عن بلوف ( كوستبانات ) بتتملى زيت وبعدين هتلاقى الصوت اتمنع والعربية مظبوطة بس بعد مشوار طويل او يومين مشى ..
المهم اشتريت واخدت العربية والصوت متمنعش .
فكيت الوش ووديته للخراط عمل قواعد والميكانيكى ركب ولسة فيه صوت ..
الميكانيكى قالى غير الوش كله وده طبعا كلام مش مقنع لان اكيد فيه سبب ربما يكون البلوف الصبابات او الشواكيش او عامودين الشواكيش او عامود الكامة لكن مش هيكون كل ده . وانا مش عاوز اغير الوش لان الوش سليم والعربية مبتسخنش .
ارجو الافادة وسرعة الرد