[max_ziro]

ولله انا هتكلم على تجربة انا معايا ال113 بقالها 5 شهور تقريبا
العربية ماشاء الله عليها جميلة جدا و سحبها رائع و تابتة الى حد ما ولاكنها خفيفة ولاكن مقارنة بفئتها فهى رائعة و كماليات مريحة جدا جدا و شكلها روعة و من جوة مريحة و جميلة و بتشم بنزين شم و كمان فيها مقياس لسحب البنزين مع دوسة البنزين ولاكن من اهم عيوبها النشوفية ناشفة بعض الشيء ولاكن بعد تظبيط العجل كل دة بيتظبت
و كمان صوت العفشة دة فعلا مستمر ولاكنة مش اكتر من صوت ملهوش اى تأثير
و من ناحية القوة انا مكنتش متخيل اناها هتستحمل الى حصل دة
والدتى طلعت بيها على الرصيف و هى تقريبا على 60 و نزلت ف حفرة فى الرصيف و طبعا العجلة فرقعت و الحمد لله نزلت من عالى الرصيف بسلام و كانت الاصابات فردة كاوتش فقط و الحمد لله
طبعا دة اولا و اخرا ستر ربنا و غير كدة التقفيل بتاعها جميل جدا انا مش مشايفة وحش من وجهة نظرى و التوكيل مريح جدا تحس كدة انة بيتى مش توكيل و معاملة رسمى و بيظبطولك اى حاجة اول ب اول و كل الى بتقول علية بيتظبط (الكلام دة على الى ف طريق مصر اسماعيلية)
قطع غيارها رخيصة يعنى مثلا الشبورة ب 180 جنية الفردة و دلى غالية شوية بس صراحة الشبورة بتاعتها روعة الفانوس ب 200 و شوية مش فاكر كام و عموما قطع غيارها رخيصة مش غالية و ربنا يوفقك و اى استفسار عنها انا فى الخدمة يا باشا ..