Inlet Guide Vanes ..... IGV
اول حاجة بتقابل الهواء الى داخل المحرك و هى مرحلة Stator يعنى ثابتة... و وظيفتها ... توجيه الهواء بزاوية لمروحة المحرك للحصول على اداء اعلى ... و كمان نقطة تحميل لرولمان البلى الموجود فى مقدمة المحرك
فى المحركات الحديثة ... انتقلت ال IGV الى ما بعد مروحة المحرك ... و اصبحت متحركة !!!
بتقفل و تفتح مجارى الهواء الداخل للمحرك ... بتكون عاملة زى الشيش الالومنيوم بتاع زمان
بتقفل و تفتح ليه ؟؟؟
علشان تعطى المحرك كمية الهواء الى بيحتاجها فقط ... و خاصة اثناء بداية دوران !!!!
و يخلى المحرك فى حالة شبه العطش للهواء حتى وصول المحرك لل Idel ... و دى زى السلانسيه فى العربيات
و ليه التعذيب ده ؟!!!
علشان ميحصلش للمحرك حاجة اسمها سيرج Surge .. و دى حنتكلم عليها لاحقا ان شاء الله
Nozzle Guide Vane ....NGV
اول مرحلة فى التوربية ... و دى الى بتستقبل الهواء و هو خارج من غرفة الاحتراق .... لهواء تقريبا درجة حرارته 1800 درجة
NGV معمولة بطريقة خاصة جدا ... بحيث ... انها بتتبرد بهوا يمر من داخلها و يخرج من ثقوب صغيرة لعمل ما يشبه الغلاف حولها لحمايتها من هواء غرفة الحريق الساخن جدا
و مش بس كدة ....
بتتصنع بطريقة بحيث تكون One Grain !!!!
يعنى ايه حبيبة واحدة دى ؟ و هو الطبيعى حبيبات كتير ؟
الطبيعى ان المادة بتكون عدة حبيبات ( مش جزيئات ) مرتبطة .... الحبيبة الواحدة تحتوى على ملايين الجزيئات ... انا اعرف اشوف الحبيبات تحت الميكروسكوب ... بس معرفش اشوف الجزئ
المهم ... ال NGV معمولة من حبيبة واحدة فقط ... لأنهم وجدا ان الحبيبة الواحدة لما بتتكسر تتحول الى بودرة و لا تسبب تلف لبقية مراحل التربينة !!!! اه والله زمبئولك كدة
ثمن ال NGV الواحدة فى بعض المحركات تقريبا 10 الاف دولار ... مرحلة ال NGV راكب فيها قرابة ال 60 واحدة