المشاركة الأصلية كتبت بواسطة abokoko
كنت غيرت الجلب وتم تبنيط الجلب باللحام فى المقص
http://www.masrmotors.com/vb/showthread.php?t=135579
حاليا الاراء بان ما تم خطأ يلزم معه تغير المقصات والجلب
وطبعا التكلفة هتكون كبيره
لانى محتاج
4 مقص
+
8 جلبة
+
مصنعية
يعنى فى حدود الالف جنيه
السؤال
هل استعجل التغيير لخطورة المقصات باللحام حاليا - علما بعدم وجود شكوى الان
ولا اصبر كام شهر
؟ |
السلام عليكم اخواتى الكرام
بعتزر بشدة عن عدم دخولى المنتدى الكام يوم اللى فاتو نظرا لتعب والدتى الشديد
وبطلب من احبتى فى الله الدعاء لها بظهر الغيب ان يتم شفاؤها على خير
ثانيا : احب اشكر كل من اثنى على فى الموضوع وربنا يكرمكم جميعا امين يا رب
ابو كوكو
من وجهه نظرى ان ما تم عملة هو خطا وليس تصرف سليم
لان الجلب فى الـ لادا الكاوتش لا يفصلة عن جسم الجلبة اكتر من 5 مم
وانا متخيل ان اللحام وهو بيبنط الجلبة اكيد سلكة اللحام سرحت منه او قرص عليها فى اللحام كمان وهو بيخرج الجلبة المرة الجاية اما انها تخرج باستخدام صاروخ يفور البنط او بنفس الطريقة بسلك اللحام
مما يؤدى الى تلف الجلد مبكرا
طيب ونحل المشكلة ازاى مع كتر فك وشحط الجلبة اكتر من مرة .....فاكيد الشميز بتعها هايوسع ومش هايكون حاكم على الجلبة
الحل
ممكن نجيب الجلب عدد 8 ونعملهم " ترترة " على المخرطة وبكدا يبقى زودنا سمك المعدن وهايدخل فى مكانة بالمظبوط ويكون حاكم
وفى الفك هايخرج اسهل بكتير
ولو ربنا بارك فى عمر المقص وغيرنا علية جلب اكتر من مرة
ممكن فى المستقبل نعملة شميز والجلبة تركب علية على طول بدون ولا لحام ولا ترترة