المشاركة الأصلية كتبت بواسطة amr elsisi 1
اول مرة اعرف ان الطائرات في دواسة بنزين
يابشمهندس احمد
ههههههههه
|
منور الموضوع يا باشا ...
انا كنت بهزر بموضوع الرجلين التقيلة دى ...
الطائرات فيها دواسات زى دواسات العربية ... بيكونوا دواستين بس .... لو دوست الاتنين بمشط رجلك لتحت ... كدة انت بتدوس فرامل
لو دوست عليها بكعب رجلك اليمين و كأنك بتزق الدواسة اليمين كلها لجوه ... بتحرك زعنفة الديل الرأسية ... و لو دوست بنفس الطريقة الدواسة الشمال ... بتحرك زعنفه الديل فى الاتجاه الاخر ... انا كان حيجيلى شد عضلى مرة و انا بجرب الفرامل فى A 300-600
على فكرة .... فيه طيارين بيخلوا محركات الطائرات على سرعة اكبر من الموصى بها خلال الرحلة .. و بيتقال كدة فعلا .... الطيارين قارصين على المكن او رجله تقيلة على الطائرة
و فى الغالب بيكونوا متاخرين على ميعاد الوصول
عارف حضرتك بتتعرف من فين ؟؟
فى عمرة المحركات ... بياخدوا ريشة من ريش التوربينات و يعملوا فيها قطع عرضى.. و يعملولها فحص تحت المايكروسكوب لشكل grains ... و سبحان الله ... شكل الجزيئات دى تحت الميكروسكوب بيبين الاجهاد الحرارى الى تعرضت له التوربينة .. و بالتالى المحرك ده كان ماشى فى الطبيعى ... و لا ماشى فوق المعتاد
