[a7lahamada]

المشاركة الأصلية كتبت بواسطة pro mada لما تدخل سعادتك حمله لازم تكون عربيتك سليمه عشان تطلع من الحمله سليم و هيجي واحد يسألني يعني ايه العربيه سليمه ؟؟؟؟؟؟ هقوله يعني مفيهاش فاميه علي الازاز و لا فيها شماسه و لا حاطط نسر علي الازاز اللي ورا و لا حاطط نسر علي النمر ( واحد فاكر نفسه ظبط و لا حاجه ) و لا حاطط استيكير هيئه قضائيه علي النمر ( ده واحد فاكر نفسه محامي ) و لا مركب جنط اسبور ( في ماعدا العربيات اللي بتنزل من المصنع بجنط اسبور ) و لا حاطط اي نوع من الاستيكرات و لا حاطط زينون ( في ماعدا العربيات اللي بتنزل من المصنع بزينون ) و لا حاطط فاميه علي الفوانيس و لا حاطط فاميه علي الكبوت او السقف و لا حاطط اسبويلر ( في ماعدا العربيات اللي بتنزل من المصنع بسبويلر ) و لا و لا و لا و دي الحاجات اللي جايه علي بالي دلوقتي فبلاش اي حد يعمل في عربيته الحاجات اللي قولت عليها و طبعا و انت داخل علي حمله تكون رابط حزامك ( و مش حطه علي صدر سعادتك اونطه ) و تخبي اي حاجه كده و لا كده ( انا مش قصدي حاجه بس ساعات بيتتلكوا علي علب السجاير ) و طبعا تيدي الظابط رخصك بمنتي الاحترام اللي في الدنيا و لو قالك كلمه ***** زي فين الطفايه او المثلث العاكس ؟؟؟؟؟ تفتح الشنطه و تخليه يشوفهم بعنينه و لو مدكش الرخص في ايدك تنزل و تطلبهم منه بمنتهي الاحترام اللي في الدنيا برضه و تروح و لما تشوف كموصطابل واقف او عديت من جنبه مترخمش بقي و تطلع طلعه اميركاني او تسمعه صوت الفلتر او الحاجات دي عشان ممكن ياخد نمرك و يديك واحده عكس اتجاه لوووووز و تدفع 1500 جنيه علي الطرابيظه و في النهايه احب اقول بلاش لعب بالعربيات عشان متبوظش الكبالن و دايما اتأكدوا من ان اللوح المعدنيه واضحه عشان متخدش محضر طمس لوحات اونطه و عايزكوا تحكولي عن حملات دخلتوها و حصل مواقف طريفه و هبدأ بنفسي

اولا لية لو مركب جنوط او سبويلراخد مخالفة لية هو الجنوط مدايقهم في حاجة دي علي حد علمي مالهاش دعوة بموضوع المخالفات دة ممكن الاسبويلر بس الجنوط لا. وموضوع النسر بيعدوا لان الي حاطط النسر واثق انوا عندوا حد كبير يعني لو اتمسك هيكلموا في ظرف ثواني هيكون واخد لعربية وشاتم الظابط وماشي وطالع طلعة امريكاني كمان ومحدش هيقدر يكلموا يا جماعة الكوسة في البلد شغالة.طيب انا حاطط علي الفوانيس الاربعة فامية ودخلت لجان من هنا للصبح وبطلع منها عادي ومحدش بيكلمني علي الفامية مرة دفعت غرامة علشان سرعة بس وكانت 50 ج علشان الامين يشرب بيها شاي .................يعني حد يقنعني ابن (لواء ولا عميد ولا مستشار) راكب عربية ومظبتها زي ما هو عايز هيتعمل فية حاجة دول هيشلوا العربية فوق دماغهم ويجري بيها يوصلوة