السـلام عليكم ورحمه الله وبركاته
ازيـكم ياشبـاب
الحمد لله ربنا كرمني وجبت عربيه نوبيرا اوتوماتيك 2004 فابريكه من جوا وعامله 120 الف ك
بس شويه مشاكل فيهاا
1- العفشه بتاعتها ناشفه جدا يعني انا لو ركبت 128 بحس انها ناعمه عنها
مع العلم ان عندي المساعد يمين ورا خفيف في النزله يعني لو في بلاعه ولا حاجه بيرزع والعجله بتنزل فيها فهل العيب من المساعد بس لو غيرته هتنظبط ولا ايه انا كنت روحت للعفشجي وقالي علي سبب الترزيع وقلتله علي العفشه قالي كويسه مع اني حاسس غير كدا فهل النوبيرا كدا اصلا ولا ايه
2- ضفيره الماتور الي واصله من الكنترول للبخاخات لحساس السلانسيه السلوك فيها محمصه ومقطعه وصوت العربيه عالي وبتقطع عاوز اعرف سعرها كام لاني سألت عليها من 550 لـ 600
3- الفرامل ضعيفه العربيه اتوماتيك هي مش بتزحف بس العربيه يعني يادوب بتلحق نفسها علي اخر لحظه وتقف غيرت التيل وزي الفل ودلوقتي جيت اركبها النهاردهـ لقيت الفرامل واطيه اوي كاركتلها يمكن ترفع مفيش فايده فهل دا عيب زيت ولا ايه انا كنت مرجلش عليها وانا بغير التيل
4- العربيه اوتوماتيك اما تيجي تاخد الرابع بيبقي فيه نتشه قويه في العربيه مع صوت دا عيب ايه عشان بس ابقي عارف من قبل ما اروح لصنايعي الفتيس
5- بيبقي في ريحه بنزين في العربيه وانا مغيرلها طقم سيرفيس كامل وبحطلها بنزين 92
بصراحه كدا الواحد اتعقد من العربيه دي ههههههههه
واسف للاطـاله