[QUOTE=AbOnOrA;993295]بناء على ما فهمته من استاذ محمد مصطفى ومن اللى ذكرة العضو الفاضل ممكن احاول الخص الموضوع فى 3 نقاط او 3 اجزاء او 3 مراحل كالتالى
1- مكانش فيه مشاكل فى الخدمة او الصنعة وده بشهادة حضرتك ويؤكد امانة حضرتك فى نقل التجربة مشكوراً عليها وكون ان استاذ محمد مصطفى بنفسه بيتابع سير العمل فى جراج المول مش من على المكاتب باعتبارة احد الشركاء ديه حاجة تؤكد اهتمام الادارة بخدمة العملاء وجودة الشغل وبالتالى فى النقطة الاولى الطرفين 10/10
2- المشكلة بدات مع العميل بسبب طلب الادارة منكم ان مفتاح العربيه يتساب طالما مفيش حد واقف جمبها او حد يقف جمبها لتحريكها اذا لزم الامر
فى رائى الشخصى هنا بدايه المشكلة ان حضرتك مش مقتنع بالنظام ده وبالرغم من كدة اديتهم المفتاح
وحسب رواية سبير كار انكو بعدين رجعتو اخدتو تانى
من غير استاذان الادارة فى حين انها المفروض فى مسئوليتهم وداخل مبنى المول فى الجراج مش فى الشارع
وطبعا لو ضاع المفتاح بعد ما استلموة مشكلة ومسئولية عليهم وزى ما حضرتك ذكرت قعدو يدورو على المفتاح
بس مش فاهم ليه رجعت اخدت المفتاح تانى وليه سبتهم يدورو عليه وليه مقلتلوش انت ان المفتاح مع ابن عم حضرتك واستنيت لما هو يطلع ويسالة ويقولة ؟؟
حضرتك طبعاً مش قصدك حاجة وحشة بس هما اكيد اتاثرو بدة من ناحيتين
1 ان حضرتك مش مستامنهم على العربيه او المفتاح كانهم هياخدوها ويجرو
2 ان حضرتك سبت المفتاح ورجعت اخدتة تانى بمعنى ان حضرتك فانت جاى تهزر بقى
3- طبعا بعد الخلاف فى النقطة 2 كان طبيعى ان الجدال فى المرحلة 3 يوصل لكدة خاصة لما حضرتك قولتله انا ضابظ بشكل فهمة انه تهديد او حاجة فانفعل وتبريرة ان كل عملاء سبير كار محل تقدير واحترام سواء كان ظابط او مش ظابط اكيد لو كان اخدها على انها مداعبة يعنى ولا هزار مكانش كرر اكتر من مرة كلمة هتخوفنا وزى ما اكدلى بنفسه انه حس منها انها بمعنى التهديد وبالمعنى الشخصى يعنى موصلتلوش هزار او ضحك خالص زى ما حضرتك قصدت منها
رائى الشخصى هنا ان كان المفروض على ادارة سبير كار مهما كان الامر انها تحتوى الامر وهما بلغونى ان ده حصل قبل ما العميل يمشى واخد هدية بس واضح ان حضرتك لسه زعلان وده حقك ومشكور مرة تانية على عرض تجربتك بامانة
لحد هنا ده ممكن يكون اختصار للمشكلة بناء على سماع وجهتين النظر والروايتين من الطرفين مع اختلافات بسيطة فى الروايتين فى نقطة اخدان المفتاح مرة تانية بدون ملاحظتهم وتدويرهم عليه وتقبل كلمة ان انا ظابط من كونها بضحك او بتهديد
ولحد هنا اتمنى اكون وفقت فى عرض وجهتى النظر تفاصيل سوء التفاهم وفى انتظار تاكيد حضرتك يا استاذ سمسم على ما سبق ذكرة[/QUO
طبعا اولا مبروك على الفرش الجديد
و بعد ما قريت رد ابو نورا هما مكنوش بيدوروا على المفتاح الجزء اللى حضرتك عمله اقتباس فيه من كلام استاذ سمسم انهم بيدورا على ابن عمه واقف تحت جمب العربية و لا لا زى ما يكون مثلا استاذ سمسم بيكدب عليهم
و بغض النظر عن كل ده مينفعش ابقى انا زبون عندك و تعاملنى بالطريقة دى الناس مبتشتغلش عنده ده العكس هو المفروض اللى بيشتغل عند الناس لا يصح ابدا انا يزعق لحد بالطريقة دى و اكيد شئ كويس انه يتابع الشغل لكن عدم احترام و قلة ذوق انه يعامل الناس بالطريقة دى