المشاركة الأصلية كتبت بواسطة zing0
نوينا نتعلم السمكرة إن شاء الله بعد الأسعار الخزعبلية للإخوه السمكرية
عندى خبطة قديمة كنت سألت عليها كذا سمكرى سمعت أسعار من 50 - 250 !!!
السمكرى اللى قاللى تتعمل بـ 50 ,أتشغلت عنه و معملتهاش بقالى حوالى شهر
أتخبطت خبطة تانى فى الجنب الآخر و رحت لنفس السمكرى - مش زبونه و ميعرفنيش - و بسألة على نفس الخبطة القديمة لاقيت الدنيا غليت أوى بالنسبالة فى الشهر ده... 150, نزلت لـ 120 بالعافية !!!! لنفس البنى آدم و نفس الخبطة و تقريباً نفس العربية !!!!
طيب أومال الخبطة الجديدة بكام؟
قولت فى نفسى: زى ما ربنا كرمنا بناس محترمه هنا علمونا الفرق بين الكبوت و الإكصدام و بقينا بفضل الله بنعرف نفك عمة الهوا من غير صنايعية, ربنا يكرمهم و نتعلم السمكرة و الدوكو هنا برضو.
و ربنا يعيننا جميعاً, معلمين و متعلمين.
|
ان شاء الله .... نتعلم مع بعض ... و نشجع بعض .... الموضوع محتاج شوية صبر .. و شوية وقت و مجهود .. مع شوية تضحيات ( ربنا يستر )
النية لله ... محاولة الوصول لمستوى المحترفين