السؤال الأول: الله أعلم
انا بسمع صوت تصفيره لما بدوس فرامل مع العلم انى لسه مغير تيل الفرامل وطقم طنابير اللى قدام من اقل من شهر ومكنش بيعمل معايا كده فى الاول لكن دلوقتى بقيت اسمع الصوت ده ومش عارف من ايه وكمان ساعتها الميكانيكى بصلى على الفرامل اللى ورا وقلى لا تمام مش محتاجه حاجه
|
حضرتك بتقول الميكانيكى بص على اللى ورا تمام, و اللى قدام جداد, و فيه تصفير, يبقى بنسبة 90% الجداد مضروبين, هتفك التيل و تبص علية لو فيه لمعة يبقى مخلوط برايش نحاس و مضروب, تغيرة بنوع نضيف أحسن بدل مياكل الطنابير الجديدة , حرام. بس لو لاقيتة مش لامع (مطفى) يبقى تغسل التيل و الطنابير غسلة محترمة بالبنزين, ربما حبة رمل دخلو و عملو صوت التصفير ده.
|
دايما بسمع صوت صفاره زى زقزقة العصافير من ورا من اول ما بدور العربيه ولما سالت الرجال بتاع العفشه قالى ده الشكمان ولكن انا لما جيت ابص على الشكمان لقيته متثبت كويس من ورا فهل ممكن يكون حاجه غير الشكمان ولا الشكمان مش مربوط من النص مثلا
|
توقعى زيك بالضبط, الشكمان مفكوك من النص لو متأكد إنه مربوط من الآخر, و إتأكد إن مفيش حاجة مريحة عليه (واير أو خرطوم أو ....)
ده اللى أقدر أقوله و منتظر معاك رد الإخوة الخبراء