01-11-2014, 04:38 AM
|
 |
من انا؟: بحاول اعيشها صح !
التخصص العملى: اداره اعمال
هواياتي: القراءه -المتاجره- السينما الجيده وخاصه التاريخيه-الافلام التسجيليه - السيارات
|
|
تاريخ التسجيل: Aug 2010
الموقع: القــــــــــــاهره
المشاركات: 13,001
|
|
رد: مخطط تصفيه الثوره ,,
هاااااااااااااااااام !
حقيقه الازمه فى شمااال سيناء
المشكله الأساسيه فى شمال سيناء خاصه رفح و الشيخ زويد هو #خلل_ديموجرافى .. خلل فى التركيبه السكانيه و الاجتماعيه و اختلال مستوى الدخل مع الشرائح السنيه و لخبط...ه الهرم العشائرى بفعل فلوس الانفاق .. شيوخ القبائل فقدوا سيطرتهم و الشباب بعضهم دخله بيوصل لخمسين الف .. و العامل البسيط اللى بيشتغل فى أعمال الحفر يوميته بتوصل ل 300 جنيه يعنى لو اشتغل 20 يوم و ريح عشره هيصفى 6000 جنيه فى الشهر .. اللى فى الجيش بقاله 20 سنه ما شافهمش .. فتحت حوار أكتر من مره مع مختلف الشرائح فى المنطقه دى .. اهم ما استخلصته الآتى :
اولا .. رفح المصريه و الفلسطينيه عائله واحده .. يعنى تجاره عائليه ... الناحيتين قرايب .. صاحب المدخل ابن عم صاحب المخرج ... و غالباً بيتجوزوا من بعض لزوم البيزنس .... و ترسيم الحدود فعليا قسم رفح نصين .. على سبيل المثال .. شارع صلاح الدين أو ممر صلاح الدين موجود امتداد ليه داخل القطاع و اللى قاطعه الحدود و بنفس الاسم ..
ثانيا : الشباب الصغير كتر الفلوس و سهوله الحصول عليها .. بقى صعب يشتغل اى شغلانة شريفه .. اللى يعرف شغلانه شريفه لواحد شبه بدون اى مؤهل و لا حتى صنعه تكسب فى المتوسط عشرة آلاف جنيه شهرياً #يقولنا ..
ثالثاً :شيوخ القبائل كان فى و خلص .. الشباب الصغير الفلوس جريت فى أيده و مبقاش ليه كبير ...
رابعاً : مقتنعين تماماً انها حلال .. يعنى سكه التوعيه و حرام و حلال #مقفوله .. و لو قلتله ده خطر على الأمن القومى .. هيقولك خلاص يا باشا .. المخدرات بردوا حلال و مش خطر على الأمن القومى
خامساً : كل ما زاد عمق المنطقه العازله هتقلل من قصه التهريب (بضائع و افراد) .. يعنى هتزود الصعوبه ... بس مش هتمنع منع تام .. فى أنفاق معديه ال 3 كيلو
سادساً : تجار الأنفاق و الإرهابيين و تجار المخدرات حاليا فى مركب واحد .. وجود الجيش بكثافه مكفر التلاته فى عيشتهم ...
سابعا :الشرطه هناك مش مؤهله لاعمال قتال عنيفه ... ممكن دورهم يقتصر على الجانب المعلوماتى
ثامنا و أخيراً .. 99 % من البيوت اللى على الشريط الحدود آيله للسقوط بفعل الانهيارات الارضيه للانفاق .. و معظم العائلات هناك عندها بيوت تانيه فى العريش و قاعدين فى البيوت اللى على الحدود يا دافعين فلوس لأسر تانيه علشان تشغل البيت لأن الجيش بيهد اى بيت مهجور على الحدود ... الهدف من الكلام ده #الآتى
قريت كلام كتير لناس بتدور على حلول و تقترح اقتراحات كلها نظريا جميله .. اقروا بقى الكلمتين اللى فوق دول تانى و دور على حل ينفع يطبق أو وظائف دخلها الشهرى فى حدود ال 10000 جنيه لواحد أهم مؤهلاته انه حافظ المدقات فى الجبل كويس ..
منعا للردود اللى انها حافظها ... كلامى مش على كل أهل سيناء و لا على كل أهل شمال سيناء .. كلامى على أقل من 10 % و الباقى فعلا شرفاء و أن الدوله مقصره و أهملت سيناء و كل الكلام ده ... عايزين حلول مع مراعاة ما سبق ذكره .. الخلاصه .. الجيش بعد الثوره المباركه شال الشيله كلها من أول خبيز #العيش لحد مكافحه #الإرهاب ... اللى عنده حل #كيوت غير انتقاد إجراءات الجيش ياريت يقولنا ..
#اللى_مناخيره_فى_الكله_ غير_اللى_ايده_فى_النار
COP
__________________
|