[AbOnOrA]

المشاركة الأصلية كتبت بواسطة elmanahry الف الف مبروك يا باشا ربنا يهبك خيرها ويكفيك شرها ويباركلك فيها ويجعلها سبب على طاعتة ويقدرك على شكر النعمة (الله يابو نورا على دعائك الجميل) استعير كلام المعلم لابارك لك على السيارة اولا معاك سيارة ناعمة وجميلة وسريعة وقوية وهى فى الاصل تصميم شركة اوبل ثانيا موتور معمر باذن الله اعرف ناس عملت معهم السيارة 300 الف كيلو وماذال الموتور بحالته ثالثا عليك بالصيانة الدورية وقبل الميعاد ان امكن واهم شئ فى التوكيل رابعا وده الاهم اياك ان ترى سيارة فارهة وتتمنى ركوبها طول مامعاك اللانوس والف مبروك

يا باشا ربنا يعزك ومتحرمش من ذوق حضرتك الجم وصدقنى شرف لى انى اكون اخ اصغر علماً وسناً لحضرتك

واسمحلى انا احيي حضرتك على انتباهك لمقارنة اخونا بندارى بين الصناعة الايطالية فى التمانينات والصناعة الكورية X المصرية الان

اولاً اولاً اولاً مش عايز الناس تنسى الانوس اللى كلنا ركبناها ديه صناعة مصرية كورية بتكنولوجيا المانية تعود لتمنينيات ايضاً والمقارنة ديه اللى ذكرها الاستاذ الفاضل بشكل عفوى تلخص نقاشات كثيرة دارت بين الاعضاء عن ومازالت تدور عن قيمة الصناعة المحلية بل وقيمة الصناعات الاسيوية فى مقابل الصناعات الاوربية عامة
وايضاً قيمة التقنيات الاوربية المعاد تصنيعها اسياوياً او مصرياً مقابل قيمة اقتناء التقنية من مصادرها الاصلية وفى حداثتها ووقتها

وبصراحة ومن غير مزايدة او تكرار او جدال انا بعتبر شهادة الاستاذ بندارى بل وشهادة وتجربة المصريين عموماً للسيارات الاسياوية والتى اكدت ومازالت تؤكد على جدوى هذه الفكر الصناعى (إعادة الانتاج الاقتصادى) امر واقع ملموس يتخطى حدود المناقشة والبرهان

وان كنت اشجع دائماً على تناول الموضوع بالنقاش بهدف استقراء الحقائق والتأكيد عليها امام المشككين فى جدوى الصناعات الاسيوية عموماً والمتحيزين للصناعات الاوروبية لا تحيزاً لصالح الصناعات الاسيوية بل تحيزاً لصالح اقتصاديات المستهلك المصرى