[وائل عبد العزيز]

السلام عليكم ورحمة الله وبركاتة
انا اعرف التعلبة والشاص لكن ليلى علوى اول مرة اسمع الاسم دة
هى عربيتى انا vxr موديل 1995 وكانت قبل منها عربية تعلبة موديل 2001
العربية اللى معايا دلوقت كان عليها موتور 3f بنزين اوتماتيك ما قعدش عندى اكتر من شهر لانة انجكشن وسعة الاسطوانات مش كبيرة حوالى 3000 سى سى فغيرتة بموتور 1hdتيربو دا سعة الاسطوانات بتاعتة 4500 سى سى وتيربو دا احسن موتور ممكن تركبة بس سعرة حراق حبتين
ركبتة على الفتيس الاتوماتيك بس كان الموتور مخنوق يعنى زى واحد مكبوت عايز يطير بس فية حاجة دايسة علية عملت لة صيانة مرتين تلاتة بياخد 9ك زيت فتيس جالونين الجالون 4ز5 ك وفلتر
المهم عطل لان الشغل عندنا شديد فى بحر الرمال الاعظم فغيرتة بمانيول برضوة المانيول بالنسبة للاتوماتيك حراق جدا بس بصراحة خلى العربية زى الطيارة بالظبط سرعات عالية على الاسفلت والرمل اما بالنسبة لاكل الجاز فالصفيحة تعمل 100 كم على الاسفلت و80كم فى الرمل
دى تنفع شغل وملاكى شكلها مناسب وللشغل بتشيل لحد 7 ركاب موتور كبير عفشة رياضية
بس مشكلتها ان اقل لخبطة فى العفشة بتبرجل العربية علشان على يايات مش ورق سوست
حاسس انى طولت جدا فى الموضوع لو عايزين اكمل عن التجربة مع التعلبة او عشقى الاول والاخير الشاص اللى احنا بنقول عليها جنطشة قولولى
تحياتى