المشاركة الأصلية كتبت بواسطة msawy
السوبارو عربيات محترمة جدا و قطع غيارها معمرة و كلها دفع رباعى مستمر وموتور بوكسر عشان كده ثباتها عالى جدا عموما و فى الملفات على السرعات العالية خاصة. و ثابتة فى الطرق الزلقة زى حالات المطر. اما بالنسبة للأمان فمعروف عن السوبارو وجود كل عوامل الامان و اعلى نتيجة فى اختبارات التصادم الاوروبية.
اما بالنسبة لعدم الانتشار ده عيبه الناس اللى بتقبل تدفع فى عربية اغلى من قيمتها الحقيقية و تستحمل عيوبها و قلة الجودة لمجرد انها تعرف تبيعها بسعر كويس.
اما بالنسبة للتوكيلات فكلهم زى بعض. جربوا كده اى شى يبوظ وروح التوكيل و شوف هيعمل ايه معاه؟ و شوفوا شكاوى الناس على النت من توكيل كيا و غيره فى مصر.
المشترى المصرى لو اصر على انه يدفع فلوسه فى الجيد فقط و و لم يجرى على الشكل و الكماليات فقط كانت كل المركات المحترمة اخذت و ضعها و انتشرت و رخصت قطع غيارها.
عموما انا شايف ان سوباروا بتدت تنتشر و خصوصا لما نزلت الXV.
و هى فعلا عربية ممتازة و عليها طلب و نادر لما تلاقى حد عايز يبيها و فى الغالب لسبب مادى مش لعيب فيها.
|
انا معاك فى كل كلامك ...
المشكلة عندنا فى السوق المصرية ... سوق غريبة شوية ..
و من غير المنصف ان نعتبر اى حد عاوز يحافظ على فلوسه فى العربية انه مش بيفكر كويس ... دى ظروف السوق المصرية للأسف
