[DR EYE]

المشاركة الأصلية كتبت بواسطة ahmed_eng2001 اجاوب حضرتك على اد معلوماتى لغاية لما حد اكثر خبرة يجاوبنا الكلام الى حضرتك بتقوله ده يذكر عند شراء عربية بالتقسيط البائع فى الغالب يطلب تأمين على العربية المباعة بنظام القسط 2.8 % من ثمن العربية مقسمة على اقساط العربية سنويا او شهريا .. حظر البيع ... الى حيبعلك عربية بالقسط بيشترط عليك عدم التصرف فيها بالبيع ... و كأنها مش بتاعتك .. و هى فعلا مش بتاعتك حتى تنتهى من سداد الاقساط ... بيتكتب فى الرخصة بالبنط العريض .... حظر بيع ... و دى متعرفش تبيعها بيع نهائى حتى دفع بقية الاقساط فيه ناس بتبيع بعقد مسجل فقط .. و ينتظر ميعرفش يسجل السيارة باسمه حتى دفع كل الاقساط التقسيط مع البنك ... حضرتك بتروح البنك و تقولهم انا عاوز اقسط العربية الفلانية ... يروح هو يتفق مع معرض و يجيبلك العربية التقسيط مع المعرض ... حضرتك بتروح المعرض و تقولهم انا عاوز اقسط العربية الفلانية ... يقوم المعرض جايب البنك و يتفق معاه .. و انت تتعامل مع البنك بعد كدة ... و هناك فتاوى شرعية كثيرة تحرم هذه التعاملات نصيحة لحضرتك .... نظام القسط ده نظام سيئ جدا .. و مرهق جدا للميزانية و صداع و وجه قلب .... ياريت بلاش منه .. انا جربته قبل كدة ده غير ان فيه ناس كتير افتوا بحرمته

شكرا جزيلا