[aymanlaw]

بص حضرتك وانت بدور على سيارة جديدة طبعاً الشكل بيبقى هو النداء الأول من السيارة ليكون عامل جذب وده ممكن يبعدنا عن اساسيات نفاجىء بها فيما بعد ونقول ياريت ركزنا شوية وتأنينا المهم مش عايز اطول على حضرتك ,, اول حاجة فى نظرى يجب ان تركز عليها فى العربية يمكن قبل الأمكانيات هو تعليق العفشة وبالذات الخلفية لأنه يمكن تكون الأمامية واحده فى معظم السيارات ولكن بتختلف فى الخلف لذلك ابحث عن العفشة الخلفية الى بيكون قائم على (العفشة منقسمة لقسمين كبار ,
القسم الأول independent او المستقل , و ده كل عجلة بتكون ليها العفشة بتاعتها مستقلة عن التانية .
من اهم انواع النظام ده الماكفيرسون و الدوبل ويش بون .
- الماكفيرسون و هو الموجود في اغلب العربيات الي حضراتكم بتركبوها , بيكون عباره عن مقص واحد و مساعد داخل فيه السوسته . و بيكون فيه شداد . الماكفيروس نظام تعليق كويس لكنه مش كويس في ثبات العربية في الملفات طبعا باستثناء البي ام الي بتعمل ماكفيرسون مع ثبات في الملفات و ده سر من اسرارها ,

الدوبل ويش بون , او دوبل أرمز او نظام المقصين ده بيكون مقصين مقص فوق و تحت و في الغالب السوسته بالمساعد بتكون على المقص الي تحت النظام ده احسن في الثبات عن الماكفيروسن خصوصا في الملفات .

نظام ال dependent او المعتمد و ده بيعتمد انك تخلي العجلتين على نفس نظام التعليق , و مثال عليه السوليد اكسل , و البيم اكسل , كذا نوع تاني , موجود كتير في كذا عربية , ما بيديش ثبات بشكل كويس , و مشكلته انه لو حصل حاجه بتفكه كله و تغيره باستثناء المستقل الي كل عجلة لوحدها , و كمان ما بيوفرش ظبط زوايا فا لو عاوز تظبط زوايا بتعمل زراجين . الموضوع منقول من منتدى أخر للأمانة)
وعشان كده حاول تلاقى العربية العفشة بتعتها فى الخلف تكون كل عجلة مستقلة عن الأخرى ودى بتبان لوبصيت تحت العربية من الخلف هتلاقى بارات حديد على كل عجلة زى العبدان الصغيرة اما النظام الواحد هتلاقى كمر حديد ياالعرض وفى نهايته العجل مع المساعد فقط وده زى ماالتقرير قال انه غير امن فى الأتزان وكمان مكلف فى ظبط الزواية وفى إصلاحه ,, وطبعاً الموتور كلما كانت قطع غياره متوفرة وكان صوته ناعم ومنخفض وعدد الأحصنه وإستهلاكه فى البنزين داخل المدن وعلى طرقات السفر وايضاً توزيعة غرفة الموتور ووضع الريداتير ووضع الأكصدامات فى مقدمت السيارة وعامل الأمان فكثير من مصنعى السيارات يحاولون زيادة فى الأمان عمل مسافة امنه بين شاسيه الأكصدام مع الأكصدام وبين الريداتير بأن يكونو بقدر الأمكان هناك مسافة حتى لاتصل الصدمة لاقدر الله سريعاً الى الريداتير او الموتور والعياذ باالله ولكن كل هذا يجب ان نضعه فى الأعتبار وطبعاً الأمكانيات وحجم السيارة ووسعها وكونها عائلية بدرجة ممتازه وعلى العموم انا افضل لحضرتك البى واى دى L3 الشكل الجديد الى هو التايوتا كورولا لأنى عرفت إن الموتور هو موتور هوندا سيتى وده موتور رائع ويكفى إنه تكنولوجيا هوندا ,, وكمان بلاحظ ان البىواى دى بتحقق المعادلة الصعبة فى توافر قطع الغيار بأسعار رخيصة ,, وعموماً الرأى الأخير لحضرتك وربنا يوفقك ونقول لحضرتك مقدماً الف مبروك وعيد سعيد عليك وعلى الأسرة الكريمة وباالتوفيق بأذن الله