السلام عليكم
فكرة عمل حامل للاستبن خارج السيارة فكرة كويسة ... و بتوفر معاك فى المساحة الداخلية ... بس من عيوبه ... حيضايقك شوية فى الرؤية الخلفية ... و معرض للسرقة .. و من الممكن ان يكسرلك مفصلات الشنطة او الاستبن لو مش معمول كويس ..
حضرتك ناوى تحمله على الشنطة الخلفية ؟ و لا على القايم اليمين مثلا ؟ و لا على الاكصدام ؟
دى بعض الصور لحوامل الاستبن الخارجى
و دى طريقة سهلة فى العمل ... و موزعة الحمل بالتساوى على الاكصدام ... بس دمها تقيل جدا فى الفتح و القفل .. و خاصة فى الرفع .. نظرا انك بتشيل وزن العجلة بالكامل على ايديك فى كل مرة بتفتح الشنطة ... من الممكن انك متحتجش تنزل الاستبن على الارض ... تفتحه بزاوية مناسبة لفتح الشنطو و يفضل معلق
و ده منظر المفصلة من الجنب ... و لازم يتعمل لها تدعيم داخل الاكصدام
و ده المنظر الجميل الراقى فى عمل حامل الاستبن ... مفصلتين على القايم فوق بعض ... و لازم يتم تدعيم القايم من الداخل
و ده شكل الحامل لما بيلف يمين ... موضوع بسيط و سهولة فى الحركة