المشاركة الأصلية كتبت بواسطة zing0
طيب السؤال هنا
هل تكاليف الصيانه للانوس أو الفيرنا أو الأكسنت متقاربه مع اللادا لو أفترضنا إن الحاله العامه متشابهه
يعنى لو بتصرف على اللادا جنية, تصرف عالدايو مثلاً نفس الجنيه و لا أكتر
و بالنسبة للشغل إللى أتعلمته فى اللادا, هل هينفعنى فى اللانوس أو الأكسنت و لا كده نظام تشغيل مختلف تماماً (أنا أعرف ان الكربراتير مختلف تماماً لو كربراتير, و الإشعال الكترونى, و التاكيهات فى اللانوس على أطباق مش سوست زى اللادا, و طبعاً كبالن جر أمامى و باور و تكييف و ... أكيد الحاجات دى ليها مشاكل مختلفه. و بصراحه خايف من التغيير, و عمال أقول اللى أعرفه أحسن من اللى معرفوش.
أنا فكرت كتير فى الماروتى, رغم إن ناس كتير بيتريقوا عليها, بس أنا حاسس إنها بسيطة زى اللادا, يعنى لما تفتح كبوتها متحسش بفرق كبير بينها و بين اللادا و الـ 128 و ....الحاجات القديمة, إنما تحت كبوت االانوس أو الأكسنت, بأحس بنفس الشعور لما فتحت كبوت اللادا لأول مرة ....  ؟؟؟؟؟؟؟ |
الخوف من التغيير ... دى حاجة مش كويسة ... على رأى الشاعر .. و يفوز بالحسناء كل مغامر ....
زى ما قلت لحضرتك ... الفكر الكورى .. مختلف عن الفكر الروسى عن الفكر الصينى ... و سوف تجد حاجات مختلفة تماما عن اللادا ... بعضها كويس .. و بعضها مش كويس ... انا كان عندى نفس الاحساس ... لغاية لما لقيت الناس بتتعامل عادى مع المواتير الحديثة و فك و تركيب عادى جدا... نظام الحقن مريح جدا عن الكربراتير ... الباور ستيرنج حيخليك تعرف اد ايه انت كنت غلطان فى حق نفسك فى ركوبك لللادا .. الجر الامامى .. تسارع حتحس بيه عن اللادا ... التكييف .. حتحس بيه فى يوم حر فى الزحمة .. انت فى عربيتك و قافل الزجاج و مش حاسس بالمواطنيين الى فى الحر
النصيحة التانية من اخ .... لما تغير ... غير لحاجة فيها مميزات تحسسك بالفرق ... الماروتى .. اخف من اللادا .. و دى كل مميزاتها ..
صغر الحجم ... ضعف السحب ... مفيش تكييف
معلومة صغيرة ... اللانوس .. موتورها مش كويس .. اخويا باع عربيته من اسبوعين علشان الموتور اتشرخ فى البلوك !!!!! و ده طبعا بعد طقم الشنبر باكتر من 3 شهور .. و بعد العمرة بسنة .. العربية عاملة 250 الف كم