اسمحولى أتدخل...
الموضوع كله كربراتير
و إللى هيأكد الكلام ده ريحة البنزين لم تقرص عالإكسراتير مع الدخنه السوده
و الهباب على (سن) البوجية, السن من الجسم الخارجى
اللى فى الصورة ده ممكن سخونه زيادة Overheat أو نوعية بوجيهات مغشوشة فالخذف بتاعها مش مستحمل. المهم هو سن البوجية,’ المفروض يكون لونه بيج (بنى فاتح), لو بنى غامق إلى أسود (مهبب) يبقى بنزين زياده على طول.
الكربراتير ضبطه مش سهل, و مش أى حد بيفهم فيه, و معظم إللى بيصلحوه مش بيعرفوا يضبطوه
ممكن عندك أكس و باب أو فونيات (بيكات) محتاجه تغيير, الكلام ده إللى يحدده واحد متخصص
معلش هتتعب شوية بس ربنا يرضيك و تتحل المشكله
إتأكد من ضبط الكهربا بحيث لا تكون مقدمة و لا مأخرة
و تكشف عالبوجيهات , لو سن البوجية مهبب (لونه مش بيج)
تتوكل على الله و توصل دار السلام عند معتز المصرى, هيجيب لك من الآخر, و شغال فى الكربراتير تمام, كان زميلنا الأستاذ سيد عمل له كذا تقرير و أنا بنفسى جربته بعد مجربت 2 من شبرا مشهورين و طلع شغلهم زفت و نصابين.
بيانات البشمهندس معتز المصرى
تليفون:01222648701
العنوان :12ش زهير العتال من مصر حلوان الزراعى بجوار الشبراويشى وامام كشرى كهرمان - دار السلام
من الكورنيش, هتدخل فى الشارع إللى بين المحكمة الدستورية و مستشفى القوات المسلحة و آخر الشارع هتدخل شمال فى الشارع الزراعى لحد متلاقى "ألبان رزة" على شمالك, تدخل الشارع اللى قدامه يمين هتلاقى الورشة (عالم الكربراتير)
|
العربية و هيا بارده بتستهلك بنزين أعلى, ده الطبيعى, لإن المكنه لسه موصلتش لحرارة التشغيل الطبيعية بتاعتها
و فى بعض العربيات فى شفاط أتوماتيك بيسحب بنزين زيادة فى بداية التدوير و هيا العربية بارده
أعانك الله