رد: عربيتك نوعها إيه ؟؟؟
الف شكر يا abo nora
الحقيقة site هايل انا بقالي يومين بس ولسه بستكشفه واتمني اكون ضيف خفيف و مضيف بس انا لسه مش عايز اكتب في اي مواضيع لحسن تكون مكررة
على العموم ابا باهتم جدا بالفورميلا وان formula one وان شاء الله اكتب حاجه عنها قريب لو ماكنتش موجودة اساسا
وعلشان ماكنش بارغي بره الموضوع انا كان معايا قبل الماتريكس فيات سيينا 1400 موديل 2000..... يعني اول موديل نزل منها ..... ناعمة جدا وسحبها كويس بس عفشتها مش اوي....
شنطه 500 لتر لعربية طولها 4.1 متر وعلشان يعملوا كده كبسوا كل العربية قدام يعني لو حد قعد على الكنبة تحس بركبته في ظهرك يمكن لأن الكراسي صناعة مصري.
التقفيل طبعا ماكانش قد كده يعني لو غسلت العربية وسبت الابواب الخلفية لتاني يوم و انت بتفتحها كاوتش الباب يطلع معاك لانه مثبت بكلبس بلاستيك رديء جدا جدا. بس بصراحه المواتير الايطالي هايله وده خلاني اتغاضى عن اي عيب في التقفيل.
|