رد: مخالفات من المالك القديم متسجلة بتاريخ بعد ما اشتريت العربية :((
المخالفات ساعات كتير بتتاخر او مش بتتسجل على طول ... و عند البيع ... المالك القديم بيجيب لحضرتك مخالصة من المرور انه دفع كل المخالفات حتى يوم اصدار المخالفات .... فيحدث كثيرا ان المخالفات تتاخر ... و قد يصل التأخير لأعوام !!! المشكلة ان دى مخالفات المالك القديم .. الذى ينكرها او لا يتذكرها .. و بالتالى بيحاول يتملص منها
فالحل ان حضرتك تتصل بيه و تحاول تفهمه بالراحة ان دى مخالفاته ... ان قبل ان يدفعها يكون راجل ابن حلال ... و ان رفض .... لا تملك انك تجبره على دفعها
المرور ملهوش دعوة ... هو عاوز اى حد يدفع المخالفة الى المرور نفسه هو السبب فى تأخيرها
و فى المخالفات ... لازم تدفع ... و عاملين نظام ظريف جدا .... بيديك الحد الادنى ... لو اتظلمت .. يرجع يحاسبك على الحد الاقصى ... يعنى من الافضل انك تدفع و انت ساكت
كنت بجدد رخصة العربية امس .... و وجدت انى عليا مخالفتين بتاريخ 2010 !!!!!! انا رخصت المرة الى فاتت عام 2011 و لم تكن على اى مخالفات ... اجدد فى 2014 فيكون عليا مخالفتين فى 2010 ؟!!!
ربنا يستر لما ارخص المرة الجاية لا اجد مخالفات من تاريخ قبل تاريخ تصنيع السيارة 2008
__________________
|