[amrsa3d]

المشاركة الأصلية كتبت بواسطة الهولندى الطائر ما فيش حاجة اسمها 128 وحشة لا ده غلط ومش صواب أبدا لكن فيه عربية ليها مميزات وعيوب كل عربية ولو حتى زيرو ليها مميزات وبرده ليها عيوب ولما تشترى ما تسمعشى كلام الناس لانك مش هتشترى لان تعدادنا فى مصر 85 مليون عندنا 85 مليون خبير فى العربيات و85 مليون نظرية فى الشراء والبيع لا لما تيجى تشترى تحسبها كالاتى معايا كذا فلوس اجيب زيرو ولا مستعمل لو الفلوس تسمح مع حتى وجود قسط يبقى تبدأ بالزيرو لو ما تسمحشى تخش على المستعمل الاختيارات الفيات بانواعها الهيونداى القديم بانواعه ودايما خليك فى الموديل القريب من التسعينات بعد كده شوف انت مستريح نفسيا لايه بتمشى فى الشارع وتشوف عربيات مستعمله كل يوم لازم يكون عندك نظره فى شىء عاجبك لو عاجباك عربية اسال عن عيوبها ومميزاتها الاثنين مع بعض الفيات 128 والفيات 132 وغيرها وغيرها عربيات كويسة بس حسب حالتها وبرده بعد ما تشتريها حسب ما تحافظ عليها فهى نظرية السلعة اللى لازم تفهم مميزاتها وعيوبها انما العيوب مش معناه انها وحشة لا وياريت تكون فهمت قصدى ونصيحة ليك ابعد عن اى عربية قطع غيارها غالية او مش متوفرة حتى لو كان ثمنها 3 جنيه تحياتى

كلامك سليم مية المية