رد: مساعدة ضروري نقل ملكية وتجديد ترخيص وتغيير لون
نقل المليكة مش فى الشهر العقارى وانما فى وحدة مرور ابييس
الشهر العقارى مختص فقط بعمل عقد مسجل للسيارة بموجب التوكيلات اللى معاك
يبقى لازم تاخد التوكيلات وتروح تعمل عقد بيع مسجل باسمك
وتروح مرور ابييس اعتقد فى اسكندرية (صح )
تجيب من هناك نموذج فحص وتجديد وتملاة بيانات اساسية
تخلى العامل يرفعلك بصمة شاسية وموتور
تختم ورقة شهادة صلاحية الطفاية
تدفع التامين الاجبارى فى اى شركة تامين جوة المرور سواء سنة او 3 سنوات
هاتروح لمهندس الفحص يكتبلك على ضهر ارنيك الفحص جواب موجهه الى مرور محرم بك يفيد بمطابقة البصمة
هاتروح مرور محرم بك بدرى تقف ادام نيابة المرور عشان تجيب شهادة مخالفات
وتجيب استعلام امنى ان العربية غير مبلغ بسرقتها
وفى الاخر تقف على شباك مطابقة البصمة عشان تتطابق النموذج اللى معاك مع اخر نموذج فحص عندهم
ترجع مرور ابييس وتقف فى الشباك وومعاك كل الورق وكمان صور منة بالاضافة الى الرخصة و بطاقتك هاتدفع الضريبة سواء سنة او 3 سنوات وتستلم الرخصة او تصريح لحين ورود الملف
__________________
يااااااااااااا رب
إرحمنا بقدرتك علينا
|