[pro mada]

المشاركة الأصلية كتبت بواسطة egypt_farmer بامانه ومن غير تحيز اخويا عايز يشترى عربيه فى حدود معينه ممكن ترشحولو ايه الافضل شيفورليه افيو عربيه شكلها جميل و فيها محرك اللانوس اللي اثبت كفاءه عاليه علي مدار السنين و مش لازم تتابع صيانتها في التوكيل و لكن العربيه مش عريضه و عاليه من ورا يعني ثباتها مش كويس خالص و كمان قطع غيارها غاليه اوي - اسبرنزا تيجو عربيه لسه مثبتتش رجلها في السوق بس بدأت تنتشر بجميع فئاتها بس طبعا كعاده الصيني خامات جودتها مش قد كده و تقفيلها مش كويس و طبعا توكيل الاسبيرانزا فيه مشاكل و قطع غيارها نااااااااااااار و لازم تتابع صيانتها في التوكيل - كيا ريو عربيه مش منتشره و خصوصا الموديلات الحديثه مش منتشره خااااااااااالص فطبعا سعر اعاده البيع هيبقي في الارض و قطع الغيار مش موجوده و غاليه اوي و طبعا لازم هتابع صيانتها في التوكيل - تيوتا يارس عربيه ياباني و ممتازه من كله بس شكلها مش حلو خااااااااالص و ده رأيي يعني و في شكاوي من دهان العربيه و لكن في ماعدا ذلك هي كويسه جدا كاداء و جري و متانه و استهلاك بنزين ( عشان محركها صغير ) - برتون جين2 عربيه كويسه جدا بالنسبه لسعرها و لكن فيها عيوب تقفيل بسيطه و ده علي كلام ملاكها و طبعا محركها الكام برو لا غبار عليه محرك ممتاز من كله بس صيانه العربيه بره التوكيل صعبه شويتين و لازم تتابع صيانتها في التوكيل و طبعا قطع غيارها غاليه- اسبرنزا ام11 عربيه حديثه العهد بالسوق المصري و لسه متجرتش و طبعا مش منتشره و معرفش نظامها ايه بس هتبقي زي اخواتها خاماتها مش قد كده و تقفيلها فيه عيوب

و اخيرا انصح بشراء الياريس