بخصوص كليو 2001
السلام عليكم اعضاء المنتدى المحترمين
بعد التحيه انا زميل جديد فى عالم الرينو معايا كليو 2001 - 1400 cc ودى اول مشاركة ليا معاكم وحابب اشوف اكبر عدد ردوود علشان اتعرف بحضراتكم والمشاركة دى الحقيقة هيا عبارة عن استفسار وتبادل خبرات فى نفس الوقت
كان معايا ستروين زد اكس96 من 17 سنه يعنى اول ركوبه ليا فى حياتى كانت فرنساوى ومتوقعتش الحقيقة ان الرينو افضل بكتير فعلا غيرت فكرتى عن الفرنساوى تماما ركبت ميتسوبيشى ميراج 99 وبردوا الرينو فى رأيى اجمل عربية ركبتها حتى الان والحمد لله من ناحية ان التكييف افضل تكييفها تلاجة بجد ونعومة غريبة فى العربية يعنى الكابينة بتعزلك عن العالم الخارجى تماما بشكل رائع تالت حاجة رقى الصالون الفنش بتاعه راقى وواسع انا طولى 189سم وبعد مرتاح جدا رابعا بقى السحب اللى مش قادر افهمه لغاية دلوقتى ازاى مكنة 1400 زى دى بتسحب كده والله انا لما كان معايا الميراج مكنة 1500 2 كامة ميفك واللى معاه متسوبيشى عارف يعنى ايه ميفك عمرها ما سحبت معايا زى الكليو الصراحة عربية رائعة ده بالنسبة لخبراتى للثلاث سيارات بس كنت محتاج من خبرتكم الجميلة بقى لان الحقيقة بردو الفرنساويين دول عندهم حاجات غريبة الاطوار بردوا زى مثلا انى فتحت الكبوت ادور على مقاس زيت مش لاقى واحد صديق قالى ان الزيت بيتقاس فى الموديل ده بعداد الكمبيوتر اللى فى الشاشة اول ما تلاقى اويل اوك يبقى تمام تدوس عالزرار اثناء عرض الكلمة يطلع دواير على شكل مؤشر ديجيتال كل ده تمام اللى عاوز افهمه بقى المؤشر ده بيدل على لزوجة الزيت ولا المستوى بتاعه؟
والمكنة بتاعتى بتاخد 3.5 ولا 3 ليتر زيت
بس هما دول السؤالين يا حضرات وعلى فكرة انا من بورسعيد لو فى حد منكم عاوز يسال على اى حاجه تخص قطع الغيار انا تحت امركم واسف جدا عالاطالة
|