[ابوشروق]

المشاركة الأصلية كتبت بواسطة tham1010 ابو الشروق الخبرة أولا اهنئك على صبرك فى الرد على كل الطلبات من كل الاعضاء كان بقالى فترة بعيد عن المنتدى وكانت مفاجأه ان تكون لازلت ترد على طلبات الناس واسألتهم.. عندى سؤال لو سمحت.. 1- هل حضرتك لك خبرة فى فلاتر المياة. عاوز اشترى واحد 3 مراحل ولكن ناس بتقول انه مجرد بينظف الرواسب والرائحة والكولور ولكن مش بيقضى على الحاجات المهمة المسببة للامراض والحصاوى.. وهو رخيص من 200 إلى 230 جنية ناس بتقول الفلتر الاكثر من مرحلة اللى بخاصية RO بيشيل الاملاح والصيانة بتاعته بتكون غالية بالنسبة للشمعات وتركيبة محتاج وصلة ماية وصرف وفيشة كهرباء ويتحط تحت الحوض يعنى هيصة... وغالى قوى يعنى فوق 1000 جنية ممكن تنصحنى بفلتر كويس 3 مراحل... سؤال كمان السيفون بيسرب ماء يعنى لو مش سكيت المحبس بتاعة يفضل ينزل ماء فى الحمام بعد ما يملى للاخر لما بتكى على دراع السيفون بيسكت التسريب ولما ارفع ايدى يرجع يسرب تانى طبعا بيعمل صوت مقلق بالاخص بالليل.. فى حل للحكاية دى؟؟ هل تنصحنى بنوع معين اجيبة بدل الموجود عندى الرخيص ده.... متشكر لوقتك

السلام عليكم ورحمة الله وبركاته
شكرا لزوق حضرتك وأنا تحت أمرك فى أى وقت
بخصوص الفلتر يعتبر أفضلهم الفلتر ال 6 شمعه أو ال 7 شمعه وسعره يتراوح من 1000 الى 1200
وده طبعا أفضل من ال 3 شمعه لأن ال 3 شمعه يعتبر فلتر ترسيب فقط للشوائب
الفلتر ال 6 أو 7 مراحل يقوم بعملية معالجه بسيطه للمياه وصيانته حسب حالة المياه
بيتم تغيير ال 3 شمعات الموجدين فى مرحلة البدايه لدخول المياه الطقم 3 شمعات فى حدود 45 جنيه
وتغيره بيكون كل 3 شهور
أما شمعة الممبرين (RO(بتغير كل 18 الى 24 شهر تقريبا وسعرها فى حدود 200 جنيه
وعلى فكرة كل الانواع الموجوده فى السوق صناعه صينى
وغش التجار يقولك ده كورى أو يقلك أمريكى
لكن هما فى الاصل ديزاين أمريكى والصناعه صينى
أرجو أن أكون أفدتك
بخصوص السيفون فى مكنة سيفون محترمة وعملية
أسمها أسبيك أيطالى وسعرها 65 جنيه
بتركب على كل أنواع السيفونات
وموجودة ومتوفرة عند محلات الادوات الصحية
وأبعد عن التركى والصينى ضعيفه ومتستحملش الشغل

كل عام وانت بخير يشرفنى زيارة صفحتى فى الفيس وياريت أعجاب
http://https://www.facebook.com/page..._type=bookmark
أبو شروق
01005314147
01287710555[/SIZE]