رد: استهلاك بنزين اللانوس ؟
35 لتر ممكن على طريق سفر على سرعة 90 يعملوا 525 كم
اما جوا البلد مش حينفع نحدد ........... حسب طريقة السواقة و الزحام
ممكن جوه البلد ال 35 لتر يعملو 300 كم و اقل كمان
الصح انى عشان اتطمن على معدل الاستهلاك اقيسه على سرعة 90 و لو ال 20 لتر عملت 270 كم فاكثر يبقى كدا العربية تمام
حتى لو جوا البلد ال 35 لتر عملوا 100 كم مشغلش بالى
طريقة السواقة اللى بتستهلك بنزين
هو انى احرق على النقلات ( اسيب ال rpm يعدى ال 3000 او 3500 )
و كمان مهديش قبل المطبات و الحوديات
اجى قبلها بحاجة بسيطة و افرمل جامد
لو عايز اوفر
انقل بدرى
الاول يا دوب يوصلنى 10 الى 20 كم / س
التانى يا دوب يوصلنى ل 30
الثالث ل 50
الرابع ل 65 او 70
الخامس من 70 الى 90
كدا حوفر جامد
و لما اجى اهدى ممورش و ادوس فرامل
الصح اشيل رجلى من على البنزين و اسيبها تهدى و ادوس فرامل و لما تبطىء لدرجة معينة ساعتها ادوس دبرياج
ضغط العجل فى اللانوس صيف شتاء و الكاوتش بارد لازم يبقى 32 psi
الحاجات دى توفر جامد
تشغيل التكييف طبعا حيزود الاستهلاك جوه البلد
__________________
سبحانك لا علم لنا الا ما علمتنا
|