[action]

انا كمان بشتري عربية كيا ريو 2001 1300سم وحالتها تمام بره وجوه بس رشه حتة صغيرة في العتبة اللي تحت باب السواق وطبعا 4 زجاج كهربائي وتكييف تمام وخلصتها بمبلغ 35000 ، وقولت لنفسي ان العربي دي الزيرو منها بيعدي 80000 جنيه وهي مستعملة في نفس سعر الأكسنت او اللانوس 1 تقريبا وهي في الزيرو اغلى بكتير يبقى اكيد هي مميزة عنهم ، ومكنتش اعرف حاجة عنها بالرغم من اني مجنون عربيات وعرفت ان فيه واحد جاري عنده العربي دي بس موديل 2003 وسألته وكان بالصدفة معاه عربيتين تاني واحد لانوس 1 والتانية هيونداي اكسيل ، وكان رده انها اثبت من الاتنين في الطريق وانعم طبعا لأنها كوري كوري ، مش كوري مصري ، وعربية لذيذة لدرجة انه قالي فين العربية اللي انت عاوز تشتريها ولو مش هتشتريها انت انا ممكن اشتريها للمدام لأنها هيه اللي هتستحمل المدام وكمان انعم عن العربيات التانية الاكسيل والانوس اللي عنده ، واستغربت لما سألته عن قطع غيارها فقالي والله معرفشي هي متوفرة في شارع دمشق وطبعا استيراد في عزبة شلبي بالمطرية بس انا معرفشي اسعارها لآني اصلا مغيرتش حاجة فيها من ساعة مجبتها غير طقم سيور واشتريته بحوالي 200 جنيه .يعني باختصار هي عربية جميلة جدا وافضل فئاتها واقتصادية جدا في البنزين .وعشان كده انا اقتنعت واشتريتها .بعد ما كنت متردد بس آراء الأصدقاء اللي قالولي خليك في الانوس هتعرف تبيعها في اي وقت فقولتلهم هي افضل عشان كذا وكذا .......